Надзвычай душэўна, уражліва і пранікнёна прайшла “Ноч музеяў – 2024” у Германавічах пад назвай “Язэп Драздовіч: спадчына і традыцыі”. Вянок успамінаў аб дзядзьку Язэпу, нібы кветкамі, быў аздоблены песнямі. Яны гучалі ў выкананні таленавітых спевакоў і музыкаў Мікалая Марозава, Валянціны Хахель, Вольгі Яцына, Івана Русецкага, Сяргея Рымдзёнка, Кацярыны Дзексніс. Чароўныя галасы і прыемная музыка краналі самыя патаемныя куточкі душы. Сапраўды, багатая талентамі наша шаркаўшчынская зямля!
А якія цудоўныя працы дэманстравалі супрацоўнікі раённага Дома рамёстваў Ганна і Сяргей Рымдзёнкі, Яўген Ананіч, Алёна Васільева, Ірына Груніна, якія адраджаюць народныя рамёствы ў нашым раёне.
Можна было атрымаць майстар-клас, або проста паназіраць за тым, як ствараюцца шэдэўры і палюбавацца справай залатых рук.
Вабілі вока маляваныя дываны майстроў Дома рамёстваў. Несумненна, Язэп Драздовіч мог бы парадавацца, што мае паслядоўнікаў у ХХI стагоддзі.
Супрацоўнікі музея выказваюць словы падзякі ўсім, хто не пакінуў без увагі “Ноч музеяў – 2024”!
Присоединяйтесь к ОК, чтобы подписаться на группу и комментировать публикации.
Нет комментариев