Юпин кийингани ночорликмикан?
Қўллари бирам доғ, бирам қобариқ,
Дам-бадам одимлаш беҳолликмикан?
Ҳеч кимса эътибор қилмайди унга,
Жовдираб қарайди умидвор нигоҳ.
Киртайган кўзлари намланган чоғи,
Ичида минг алам йиғлайди оҳ-воҳ.
Ортидан эргашдим, кузатдим узоқ,
Кимлигин билмоқлик мақсад этгандим.
Шу ўйдан чиқмади фикру хаёлим,
Олислаб кетгандим, олис кетгандим.
У кимса бир жойда тўхтади секин,
Чўккалаб тупроқни ғижимлар мудом.
Бирдан ғойиб бўлди, учдими кўкка?
У томон югурдим, чопқинлаб шу он.
Ундан қолган эди эски бир яктак,
Ё жулдур либосми, ёки тўн чопон.
Тупроққа боқдиму титрадим, толдим,
Тупроқда ёзилган, «Мен эдим Виждон».
Ўзимни қарғадим, ўзимни едим,
Бечора у мени сира кўрмаган!
Уни маҳкам қучиб олмадим мен ҳам,
Шунинг чун кўпларда виждон қолмаган.
Виждон биздан кетти, жуда йироққа,
Ё бўлмаса қоришиб кетган тупроққа...
Алижон Сафаров
18/12/2017
Присоединяйтесь к ОК, чтобы подписаться на группу и комментировать публикации.
Комментарии 148
Kanal nomi - Xamid Vlogs ( YouTube)