Musofirlar taqdiri & Dolzarb Mavzu

Тентираб юрибди кўчада биров, Юпин кийингани ночорликмикан? Қўллари бирам доғ, бирам қобариқ, Дам-бадам одимлаш беҳолликмикан? Ҳеч кимса эътибор қилмайди унга, Жовдираб қарайди умидвор нигоҳ. Киртайган кўзлари намланган чоғи, Ичида минг алам йиғлайди оҳ-воҳ. Ортидан эргашдим, кузатдим узоқ, Кимлигин билмоқлик мақсад этгандим. Шу ўйдан чиқмади фикру хаёлим, Олислаб кетгандим, олис кетгандим. У кимса бир жойда тўхтади секин, Чўккалаб тупроқни ғижимлар мудом. Бирдан ғойиб бўлди, учдими кўкка? У томон югурдим, чопқинлаб шу он. Ундан қолган эди эски бир яктак, Ё жулдур либосми, ёки тўн чопон. Тупроққа боқдиму титрадим, толдим, Тупроқда ёзилган, «Мен эдим Виждон». Ўзимни қарғадим, ўзимни едим