Айблама тақдирни бекор,
Тош отмагин энди фойда йўқ.
Хаёт шундай бешавқат маккор,
Сенда ота, менда она йўқ.
Кундан кунга кексаяр юрак,
Хассасидан сас келар дўқ-дўқ.
Бахт дегани нахотки эртак,
Сенда ота, менда она йўқ.
Ким босади ота ўрнини,
Хеч ким она бўлолмас йўқ-йўқ.
Ким тушунар етим кўнглини,
Сенда ота, менда она йўқ.
Дада деса қайси ўртоғинг,
Юрагингни ёндирар бир чўғ.
Меникидек сенинг армонинг,
Сенда ота, менда она йўқ.
Синов дунё синоат дунё,
Тушларингда юзларидан ўп.
Умр оқар тўхтамас дарё,
Сенда ота, менда она йўқ.
Эзиламан эзиб юракни,
Гарчи шодон кўринсам-да шўҳ.
Туш кўраман ширин даракни,
Сенда ота, менда она йўқ.
Иккимизни етим айлаган,
Шум ажалнинг томоғидан бўғ.
Дийдоримиз тўйиб кўрмаган,
Сенда ота, менда она йўқ.
Эркаласа қанийди бошим,
Ўй суришдан ўзга чора йўқ.
Тўхтармикин кўзларда ёшим,
Сенда ота, менда она йўқ.
Присоединяйтесь к ОК, чтобы подписаться на группу и комментировать публикации.
Комментарии 2