Российыште кажне еш да школ икшывыжым ача-авам пагалаш, шочмо элым аралаш туныктен куштат. Патриотизм шÿлыш дене айдеме илышыже мучко шуаралт толеш. Шуко еҥын тиде койыш пытартыш шÿлышыжӧ марте кодеш. Порылык, тыныс илыш - кеч-кöланат шерге да ик эн тÿҥ вий.
Кок ий утла Украин мландыште нацизм ваштареш сцецопераций кая. Мемнан Морко районын эргыже-влакат шке порысыштым лÿддымын шуктат. Кеч-могай сарат вÿр йогымо, сусыргымо да колымаш деч посна ок лий. Йÿштö мланде самырык рвезым, эргым, ачам шке помышышкыжо, шÿм пелашын, ава-ачан, икшывын, ешын, родо-тукымын шинчавÿдышт дене нöрышö мландышке курымеш öндал пышта.
Пытартыш жапыште вийвал пöръеҥ-влакым, ача-влакым, суртоза-влакым йомдарена. Ешыште кунар икшыве-влак ачаштым ужде кушкыт, нуным авашт шкет куштат. Ешым погыдымо мыняр каче-шамыч курымешлан ош тÿня дене чеверласат.
Мыят шке тунемшем Александр Егоровым (снимкыште) пырля тунемше йолташыже-влак дене пырля пытартыш корныш ужатышна. Чон коржеш, нимом от ыште. Тудо тыныс илышым аралышыла вуйжым пыштен. Саша Ильинский ялеш шочын-кушкын, кызыт тиде ял почиҥгашке савырнен. Ял пеш сылне, но рÿдö корно деч моткоч чот тора. Индеш классым тунем пытарымеке, Саша пошкудо Коркатово школыш тунемаш толын. Тыште тудо кок ий шинчымашым нöлтен. Тыматле койышан, ӧршырак рвезе ыле. Шуко мутан огыл, но моткоч чот пашаче лийын. Спорт дене пеҥгыде кылым кучен. Ик таҥасымашат тудын деч посна эртен огыл. Я куржталмаш, я ече - эре сеҥыше радамыште. Пеш ÿшанле лийын, нигунамат шеҥгелан шылын кодын огыл...
(Умбакыже "Морко мланде" газетын 7 июньышто лекше номерыштыже лудын кертыда)
Нина АРКАДЬЕВА,
2006 ийысе класс вуйлатыше
Присоединяйтесь к ОК, чтобы подписаться на группу и комментировать публикации.
Комментарии 10