Sirli dunyo
(mistik- hikoya)
1-qism
Dehqonobod taraflarda motosikl ro'zg'or dastyori. Bozor o'charga deysizmi, mol-holga xas-hashak tashishga deysizmi uning oldiga tushadigani yo'q. Shavkat ham bu dastyordan benasib emas. Ishdan bo'sh paytlarda, xususan bozor kunlari bozorchilarning yukini u yoqdan bu yoqqa tashib bersa to'rt-besh so'm qolishi ham sir emas. Bazi kirakashlarga o'xshab, narhini o'zi bichib o'zi to'qimaydi. Mijoz nimani bersa rozi bo'lib olaveradi. Shu boisdan u mijoz qidirmaydi, mijozlar uni qidirashadi.
Muborak juma kuni masjid oldida to'xtab turgandi, masjid hovlisidan tumonat namozxonlar chiqib qolishdi. Ularning aksariyati Shavkatni taniydi. Hov, anovi buni yerga tekkudek bo'lib, hassaga tayanib borayotgan chol Sotiboldi buva yuz bilan yuzlashib qolgan bo'lsa ham hamon so'zini birovga bermaydi. Hozir ham atrofdagilarni og'ziga qaratib, hammasiga nasihat qilib borayapti. Manovi qariya ham yaxshi tanish istefodagi mayor. Nafaqaga chiqib namozxonlar safiga qo'shildi.
Xo'ppa semizligidan bo'yni ichiga kirib ketgan odamni ko'rib Shavkat yuzini teskari o'girdi. Shu odamni ko'rdi deguncha kayfiyati buziladi. Negaligini o'ziyam yaxshi bilmaydi. Ular hech vaqt hamsuhbat bo'lishmagan. Faqat bu baqaloq haqida odamlar o'rtasida har xil gaplar yuradi. U qachonlardir katta amaldor bo'lgan. Buzuqlikning ming bir ko'chasiga kirib chiqqan qo'sha-qo'sha xotin olgan. Shavkat do'stlarining qistovi bilan bir marta juma namoziga shu masjidga kelgan edi. Baqaloq bilan bir safda yonma yon turib qolsa bo'ladimi! Shu shu masjidga qaytib oyoq bosmadi.
Namozxonlar tez tarqalishdi. Kim piyoda kim ulovda. Baqaloq ham ko'zdan g'oyib bo'ldi. Yigit motosiklini o't oldirib, yo'lga burgandiki, bekatdan ancha narida mayda qadamlar bilan ketib borayotgan Sotvoldi buvaga ko'zi tushdi. Uning uyi qishloqning narigi chetida. Aksiga olib u yerga mashinalar ham bormaydi. Shavkat boboga yordam bergisi keldi.
- Assalomu alaykum, Sotvoldi buva.
Bobo to'xtab motosiklli yigitga qaradi. Bir ikki ko'rgan, ammo kimligini eslayolmadi.
- Vaalaykum assalom, bolam.
- Qani, mashinaga marhamat qiling.
- Mashina deysanmi?
- Mashina deb o'z dimog'imni chog' etamanda buva. Qani bo'ling uyingizga tashlab o'taman.
- Ovora bo'lib nima qilasan bolam. Mening uyim ancha yiroq.
- Ovoragarchiligi bormi. Keling o'zim yordamlashib boraman,- Shavkat otaxonni dast ko'tarib, motosiklning kajavasiga o'tqazib qo'ydi.
- Obbo, obbo polvon yigit o'zim bir amallab chiqivolardim mashinanga. Xo'sh bolam kimning o'g'liman deding.
- Sobir nonvoyni o'g'liman.
- Shu o'zimizning Sattor novvoymi?
- Ha o'sha kishining o'g'illariman.
- Shunaqa de. Otang nima qilib yuribdi.
- Katta qishloqda domkom,- hazillashgisi keldi yigitning.
- Qaysi qishloqda deysan?
- Katta qishloqda.
- Eshitmagan ekanma. Gala, Qo'rg'ontosh, Birinchi may degan qishloqlarni bilaman. Katta qishloqni eshitmagan ekanman. Yoki birorta qishloqning nomi o'zgaribdimi?
Qariyaga nojo'ya hazil qilganidan yigit hijolat bo'ldi:
- Bobo hazillashdim. Otam o'tgan yili qazo qilganlar.
- Haziling qursin. Endi esladim. Mayli oxirati obod bo'lsin. Rahmatli ko'p taqvodor edi.
- Otam umrida namoz o'qmagan. Bobo uni kim bilandir chalkashtirmayapsizmi.
- Obbo, nodon bola, otang haqida bunday xayolga borma!-jerkigan bo'ldi bobo yigitni.- Otang el yurtning maraka mavridini non bilan taminlardi. Xaromdan hazar qilardi. Bu taqvo bo'lmay nima. Qani hamma ham elning kuniga shunday yarasa! Xo'sh o'zing namozga chiqib turibsanmi, bugun jumada ko'rinmading?
- Chiqaman buva.
- Shunday qil. Namoz har bir bandayi mo'minga farz bolam. Men, senga aytsam xudo birovni bolaligida, birovni o'smirligida, yana boshqasini og'zi oshga yetgan pallada oladi. Kimgadir menga o'xshab uzun yosh berib sinaydi. Bolam shu yerda moshinangni to'xtat. Yetib keldik. Tush bir piyola choy ichib ketasan
Shavkat otaxonni qo'lidan ushlab kajavadan tushishga yordamlashdi.
- Buva men boray. Cho yni boshqa kun icharmiz.
- Bo'lmasa bir pas shoshma . Men sening haqingga bir yaxshi duo qilib qo'yay. Yuzingni qiblaga qaratib , qo'lingni och.
Bobo uzoq duo qildi. Yigitning esida qolgani shu bo'ldi.
-... Bevaqt o'limdan, xorlikdan va zorlikdan O'zing asra...
~~~davomi bor...
Присоединяйтесь к ОК, чтобы подписаться на группу и комментировать публикации.
Комментарии 1