გულს მიკლავ,თუ ხელი მკარი...
ხან ხდება,სხვასთან გამთელო!...
მაინც მომივლის ჯიგარი,
მაინც მიყვარხარ ქართველო!...
დაჭრილს მალამო ვერ მაცხე?!-
არ მოხდეს,სახე გარიდო!...
მაინც არსად არ შეგარცხვენ,
ჩემს გენში თვალ-მარგალიტობ!...
ჯავრები გადმომილაგო?!-
ვერაფრით გაგესაზღვრები!...
ერთურთის,ჩემო ჯილაგო,
ჩვენ ვართ სწორი გზაც და ზვრებიც!...
ჩვენი ხორც,ჩვენი სისხლძარღვნი-
ჩვენი მიწა და მდინარე!...
სულნი-ღვთის ცის წილ ნამარხვნი-
ხატნი-თვალ მირონმდინარე!...
წავაგეთ და ვერ ვიგვარეთ
ღალატით,ბევრ ჭირ ნახულო!...
დავთმეთ და გადაგიგვარეთ,-
რა ხმებით მოსთქვამ ხახულო!...
ბევრჯერ გვქონია რთული დრო,
ჭრილობით მოგვდევს წარსული!...
ჭირთა დროს,თხილის გულით ხომ
დანაყრდა ცხრა ძმა,ცხრა სული!...
ქართველს ხომ მუდამ სჩვევია:
"ყველი-პურ, კეთილ გულია"...
"...რასაცა გასცემ შენია,
რაც არა დაკარგულია!..."
ჰოდა!...შენს სისხლხორცს ხელი მკრა,
გადამიარო...გამთელო,
აკი გული გაქვს თაკარა?!...
ვტირი...მიყვარხარ ქართველო!...
ჯი ნონი.🇬🇪12.04.2023
Присоединяйтесь к ОК, чтобы подписаться на группу и комментировать публикации.
Комментарии 1