Һәркемнең кулында банк карточкасы булса да, кәгазь акча да кирәк булып тора. Авыл җирендә яшәгәч бигрәк тә. Район үзәгенә бер килгәндә акча да алыйм дип банкомат янына килдем. Тик бу тимер машина мине яратмадымы, акчасы булмадымы, картамны кире "төкереп" тик торды. Банк бүлегенә керми булмас.
Менә инде мин талон алып, үз чиратымны көтеп утырам. Кешеләр әле берсе , әле берсе оператор тәрәзенә барып үз эшләрен йомышлыйлар.
Бер абзыйның:
-Миңа 500 мең кредит кирәк иде,-дип сөйләнүен ишетәм. Оператор кызның ни дип җавап биргәне ишетелми.Шулай да кредит бирмәскә әйтәләр дип аңлыйм.
-Проценты шулай зурмыни?-дип бот чаба абзый. Пенсия акчасыннан моны түләп тә бетмәле түгел икән? Улым СВО да иде, иптәше кайткан, акча алып килергә кушкан, ачбыз, ашарга берни юк дигән. Кайткач та түләрмен дигән бит, ничек ярдәм итми була балаларга.
Шулчак мин, нидер шикләнеп, янына киләм. Кайткан иптәше кем, сез аны беләсезме соң, танышыгызмы?-димен.
-Түгел түгеллеккә, бергә, бер частьтә хезмәт итәбез ди бит,-ди абзый.
-Ә улыгызга шалтыратып карамадыгызмы соң?-димен.
-Без аңа шалтыратмыйбыз, мөмкилек булганда ул үзе генә шалтырата...
Шул арада оператор кызның "полиция чакыртабыз"-дип сөйләнгәне ишетелеп кала. Ишек төбендәрәк торган бер яшь ир-егет шул арада чыгып юк була.(Бәлки ул мошенник та булмагандыр, алары гәдәттә тышта көтәләр диләр)
Мошенниклар! Инде күпме генә сөйләсәләр дә, күпме генә кисәтүләр булса да , бу кармакка үз теләкләре белән эләгергә әзер торучылар табыла. Сак булыгыз инде!Бар кешегә дә ышанып бармагыз!
Тәлгат абыегыз.
Присоединяйтесь к ОК, чтобы подписаться на группу и комментировать публикации.
Комментарии 2