Шорык
Тиде арнян тендам унала ӱжыт гын, каяш тореш ида лий, вет тушто у еҥ-влак дене палыме лийын, у йолташ-влакым муын да пайдале кылым ыштен кертыда. Тыгак нине кечылаште сай уверым колыда але кумылдам нӧлтышӧ вашлиймаш лиеш.
Презе
Кызыт те кеч-могай пашалан пижыда гынат, чылажат ушна, сомыл-влак «шолаш» тӱҥалыт. Кугу сатум але погым налыда. Усталык кумылан айдеме улыда гын, тыгай шӱлышан пашада лектышан лиеш. Вашлиймаш-влакат пайдам кондат.
Йыгыр
Нине кечылаште чондам йӧратымаш шижмаш авалтен кертеш. Тӱрлӧ нелылык вашлиялтеш да ышташ шонымо пашада тидлан кӧра шукталтде кодеш, очыни. Лишыл еҥда-влак кеч-кунамат полыш кидым шуялтат манын утыждене ӱшаныман огыл.
Рак
Кеч-куштат кеч-кӧн кумылжым нӧлтал кертмыдам коллегыда-влак эше ик гана ужыт. Тыгодым аракам йӱаш ида тырше, уке гын нунын шонымашышт вашталтеш. Ондакак тӱҥалме пашам мучашлаш, жапым веселан эртараш йӧн лиеш.
Лев
Шуктымо сомыл деч тиде арнян лектышым вучыман огыл. Кугу сатумат налаш огеш темлалт. Тыгодым карьер тошкалтыш дене кӱзаш йӧн лиеш, очыни. Пайдале ойпидышым ыштен кертыда. Тазалыкым пеҥгыдемдыман, уке гын чер авалтыме лӱдыкшӧ уло.
Ӱдыр
Тыланда тиде арнян утларак поро лияш, чылашт дене келшен илаш темлалтеш, тунам кумылда нӧлталтеш. Тыгодым шуко еҥ дене мутланыман огыл. Шке шонымашым чотак аралаш логалеш. Тендам ондален кертыт, сандене шекланыза.
Виса
Кызыт тыланда, поснак ӱдыр ӱдырамаш-влаклан, еҥ-шамыч кугу тӱткышым ойыраш тӱҥалыт, сандене тидын дене кӱлеш семын пайдаланыде ида код. Шкет улыда гын, шӱмбелымат вашлийын кертыда. Вурседылмашлан, ӱчашымашлан жапым арам пытараш нимолан.
Скорпион
Кызыт вий-куатда шуко улмым шижыда. Тиде амал дене варалан кодымо пашадам нине кечылаште куштылгын мучашлен кертыда. Йӧратымаш кыл куандарыше лиеш. Шукырак жапым да тӱткышым шкан ойыраш тыршаш уто огыл.
Пикшызе
Шӱдыр-влак тиде арням пӱтынек гаяк пашалан пӧлеклаш темлат. Деловой вашлиймашыш каеда, документыш кидпалым пыштеда, ойпидышым ыштеда – чылажат шонымо семын да куштылгын ворана. Еш илышыште чылажат сай лиеш.
Ирказа
Тиде жапыште те илышын кеч-могай шӧрынышкыжӧ вашталтышым пуртен кертыда. Але марте мом шонымыда шукталташ тӱҥалеш. Родо-тукым, йолташ-шамыч дене кылым пеҥгыдемдаш, тӱрлӧ сатум налаш келшен толшо пагыт.
Вӱд йоктарыше
Нине кечыла куштылгыжак огыт лий. Тидым шотыш налын, кызытеш нимогай у сомылым тӱҥалман огыл, уке гын паша коклаште йомыда. Тыгодым але марте мом ышташ шкан ӱшанда ситен огыл, тудым кызыт лӱдде шуктен кертыда.
Кол
Тиде арнян ушыштыда тӱрлӧ у шонымаш-влак шочыт, но нунын кокла гыч шукынжо ончыкыжым шукталтде кодыт. Туге гынат вуйдам ида саке. Вашке чылажат веран-верышке шинчеш да сай лиеш, кумылда нӧлталтеш. Оксада ешаралтеш.
Ӱпым пӱчкаш тарваненда гын
22 июль. Таче ӱпым пӱчман огыл, уке гын иктаж-мо уда лийын кертеш. Могай тӱс шкан ӱшаным ешарымыла, пиалым лишемдаш полшымо гай чучеш, ӱпым тугайыш гына чиялтыман.
23 июль. Ӱпым пӱчкыда гын, илышда кужемеш. Ӱпым натуральный чия дене чиялтеда гын, пашаште кугу лектышыш шуыда.
24 июль. Тиде кечын ӱпым пӱчкашат, чиялташат огеш темлалт, молан манаш гын мом кузе ыштыме тыланда огеш келше.
25 июль. Ӱпым пӱчмеке, моторрак лийыда, оксада ешаралтеш. Ӱпым ошалге але шӧртнялге тӱсыш гына чиялташ сай кече.
26 июль. Ӱпым пӱчкыда гын, иктаж кугу сатум налыда. Тыгодым уто нелыт погынен кертеш. Ӱпым натуральный гай койшо тӱсыш гына чиялтыман.
27 июль. Таче ӱпым пӱчкашат, чиялташат огеш темлалт, молан манаш гын тылеч вара илышыштыда иктаж-мо уда лийын кертеш.
28 июль. Тиде кечын ӱпым пӱчмылан кӧра тазалык начаремме лӱдыкшӧ уло. Ӱпым натуральный гай койшо шемалге тӱсыш чиялтеда гын, пашаште кугу кӱкшытыш шуыда.
Л.Камалетдинова
Авторын фотожо
Присоединяйтесь к ОК, чтобы подписаться на группу и комментировать публикации.
Нет комментариев