Черке йӱла почеш
24 июль – Ольга княгиням шарныме кече.
25 июль – Шочынаван «Троеручица» юмоҥаже лӱмеш пайрем.
26 июль – Архангел Гавриилын соборжо.
27 июль – преподобный Никодим Святогорецым (Афонысо монах) шарныме кече.
28 июль – Владимир князьым шарныме кече.
Мален кынелмеке, Юмылан пелештымаш:
«Высмыла, Эр Юмо, Эр Суксо! Вуйӱмбал Кугу Юмо, Вуйӱмбал Кугу Суксо, Вуйӱмбал Серлагыш! Суртӱмбал Юмо, Суртӱмбал Суксо, Суртӱмбал Серлагыш, Сурт Юмо, Сурт Суксо, Сурт Серлагыш! Кугу Шочынава, Эрге Пӱрышӧ, Илыш Шочын! Сурт вачын, шочшем, уныкам вачын, вольык вачын, мӱкш вачын серлагышым пу, осал тушман деч пыдал! Эр ӱжара гай волгалтын, чевер кече гай нӧлталтын, тылзе гай нӧлталтын, шӱдыр гай тӱлен илаш поро шулыкым пу! Еҥ осал тушман деч пыдал, тазалыкым, серлагышым пу!»
«Кумалтыш мут» книга гыч налме. 2018 ий
11-ше молитва – аралыше святой Суксылан:
«Христосын Суксыжо, тый мыйым аралыше святой, мыйын чонем ден капем левед коштшо улат; мыйын таче ыштыме языкем-шамычым чылажымат кудалте, осал тушманын чыла тӱрлӧ ондалымаш гычше мыйым утаре, ик языкем денат Юмем сырыктышашем ынже лий ыле. Мый языкан да йӧрдымӧ кулет улам гынат, мыйын верчем сӧрвале; Пеш Святой Троицын, Господь Иисус Христосын Аважын, чыла святой-шамычынат чаманымыштым, порыштым ужаш йӧршым мыйым ыште. Аминь».
«Марла молитва-влак» книнга гыч налме. 2005 ий
Марий кумалтышын чинче тушыжо
«Вараксим гаяк вычымалтен, порсын гай ӱмырым-курум шуен, ото гай койышланен, курык гай куанен илаш полшо.
Ме рвезе да рвезе шикш йымал калык улына; ме ала шеҥгелан каласышашлыкым ончылан каласышна, ончылан каласышашлыкым шеҥгелан каласышна, уш-акылым пу, тазалыкым, ласкалыкым, тынысым пу.
Сай илаш полшо, мемнам сай арален ашне; курымнам-ӱмырнам кужум ыште.
Юмо серлаге, илаш йӧным пу»
«Марий калык йӱла» книга гыч налме. Йошкар-Ола, 2020 ий
Калыкмут
Шочмо мланде да калык нерген
Йот верыште лийде, мӧҥгысӧ илышым аклаш от тунем.
Йотэлыште вӱдшымат шӧр олмеш йӱат.
Кажне еҥлан шке шочмо кундемже шерге.
Кажне кайыклан шке пыжашыже шерге.
Калык вий – кугу вий.
Калыкетым ават гай йӧрате, ачат гай арале.
Калык мурышто – калык чон.
Калыкмут – пунчал мут.
Калык уш – памаш вӱд гай (ару, волгыдо).
Кӧн элже верч шӱмжӧ йӱла, тудо – патыр.
Ӧрдыж мланде – ава помыш огыл.
Шке мландын кормыж рокшат шерге.
Шочмо вер – ава, кеч-кӧланат шерге.
Шочмо-кушмо мланде шӧртньӧ дечат шерге.
В.Т.Михайловын «Калык ойпого – калык чон поянлык» книгаж гыч налме. 2017 ий
Л.Камалетдинова ямдылен
Авторын фотожо.
Присоединяйтесь к ОК, чтобы подписаться на группу и комментировать публикации.
Нет комментариев