Эртыше кечылаште Марий Элыш Советский да Российский лётчик, отставкысе подполковник Российын Геройжо Владимир Шарпатов толын каен.
Тудо тӱрлӧ вашлиймаште лийын. Самырык тукымлан патриотизм, историйын чынже нерген каласкален.
В.Шарпатов 1996 ийыште Афганистаныште ИЛ-76 самолётшым тушман деч поген налын, экипажше дене плен гыч утлен. Владимир Звенигово район Красногорский посёлкышто шочын, кызыт Тюменьыште ила. Рвезе изинекак лётчик лияш шонен, кок кӱшыл авиационный образованийым налын. Черетан рейсыш лекмыж годым тудо командыж дене талиб-шамыч деке пленыш логалын. Тушто нуным идалык да 13 кече кученыт.
Лётчикын подвигшылан да экипажын еҥже-влаклан «Кандагар» фильм пӧлеклалтын.
Мемнан элна верч подвигым ыштыше, тыгай легендарный айдеме, Российын патриотшо дене вашлияш – куан.
Владимир Шарпатов Марий Элыш, шочмо кундемышкыже, толаш йӧрата.
В.Шарпатов шуко награде дене палемдалтын. Тудын лӱмжым 1-ше №-ан Красногрский кыдалаш школлан пуымо.
– Владимир Ильич дене вашлийын мутланаш, ӧрыктарыше айдемым колышташ – кугу пиал. Тудын деч шукылан тунемаш лиеш: виян лияш, эн кӱлешан жапыште решенийым приниматлаш да просто илаш тунемаш. Тау, Тыланда, пагалыме Владимир Ильич! Кужу ӱмыран, чолга лийза. Шочмо кундемыш эше шуко гана толза, – манын Марий Эл Кугыжаныш Погын вуйлатышын алмаштышыже Лариса Яковлева.
Е.Эшкинина
Снимкыште: В.Шарпатов ден А.Трудинов Сабантуй пайрем годым.
Л.Яковлеван соцкыл лаштыкше гыч налме фото.
Присоединяйтесь к ОК, чтобы подписаться на группу и комментировать публикации.
Нет комментариев