Марий Эл специальный военный операцийын участникше-влаклан адресный полышым пуэнак шога.
«Zа Марий Эл» поро кумылым ончыктышо фондын волонтёржо-шамыч СВО зоныш землякна-влаклан черетан гуманитар полышым намиен шуктеныт.
Ты гана 9 квадрокоптерым 6 автомобильым, оптический прибор-влакым, радиоэлектронный кучедалмаш средствам, чоҥымо материал ден инструмент-шамычым, кочкышым, эмым да моло кӱлешым колтеныт.
Специальный военный операцийыште улшо боец-влаклан тыгак йоча-шамычын кумылаҥдыше серышыштым, передовойышто улшо-влаклан тауштымашым колтеныт. Тылеч посна регион вуйлатыше Юрий Зайцев «Участнику специальной военной операции на Украине» медальым колтен.
Тиде гуманитар партий дене чоҥашлан да передовойышто аралтышым ышташ 57 кубический метр чодыра материал каен. Пиломатериалан конвойым кажне тылзын колтат. 2023-2024 ийлаште фронтыш 610 кубометр чодыра материал каен.
Марий Элын чыла районыштыжо специальный военный операцийын участникше-влакын ешыштлан пум яра пуат. Спецопераций тӱҥалме деч вара 434 ешлан пӧртым ырыкташ 4412 кубометр пуым ойырымо.
Марий Эл вуйлатыше Юрий Зайцевын палемдымыже почеш, мемнан боецна-шамыч умылышаш улыт: нунын шеҥгелнышт – ӱшанле тыл. Тудо тыгак регионышто илыше калыкын полышыштлан кӧра спецоперацийын участникше-шамычлан мо кӱлешым гуманитар полыш дене писын колтат, манеш.
Марий Эл Республикым вуйлатышын пресс-службыжын уверже негызеш Е.Эшкинина ямдылен
Присоединяйтесь к ОК, чтобы подписаться на группу и комментировать публикации.
Нет комментариев