Предыдущая публикация
Йошкар-Ола администраций рӱдолан 440 ияш лӱмгечыже вашеш эн сай видеолан конкурсым увертарен.
Видеом ышташ мастар улат, Йошкар-Олам чот йӧратет, тудын мотор верлажым кугешнен куанен ончен коштат гын – тугеже конкурсыш ушно! Йошкар-Олана мучко кӱчык экскурсий але пайрем саламлымаш семын, посна еҥын историйже нерген видеом ыштен кертат. Видео 2 минут деч кужун шуйнышаш огыл. Адакшым условий почеш фотографий-влакым кучылташ ок лий. Ик еҥ деч ик паша гына налалтеш. Конкурс 10 гыч 31 июль марте шуйна.
Йошкар-Ола кечын сеҥышыш лекше-влаклан окса премийым кучыктат: икымше верлан – 30 тӱжем, кокымшо верлан – 20 тӱжем, кумшо верлан – 10 тӱжем теҥге.
Л.СЕМЕНОВА
Присоединяйтесь к ОК, чтобы подписаться на группу и комментировать публикации.
Нет комментариев