Марий Элын спорт да туризм министерствыжын палемдымыж почеш, тиде арнян татар тӱвыра арня эрта. Тудо федерал кӱкшытан Сабантуй дене иктешлалтеш.
Кумылан-влак национальный кучедалмаште, корэшыште, вийыштым тергаш туҥалыт. Корэш – ӱштӧ дене вашпижын вий-куатым тергымаш. Спортын ты видшын историйже тошто курым дене кылдалтын. Кугезе коча-влак тудын капкылым, шкем пеҥгыдемдыме дене кылдалтын, элнам аралаш, пашалан кыртмен пижаш ямдылен маныныт. Тачысе кечынат корэш вияҥеш, ты видшылан шуко еҥ кумылаҥеш.
Марий Элыште тудо Йошкар-Олаште, Медведево, Морко, Параньга районлаште поснак сайын вияҥеш. Кугу пашам верысе корэш кучедалмашын федерацийже эртара.
Ты вид дене верысе спортсмен-шамыч тӱрлӧ кӱкшытан турнирлаште вийыштым тергат, сеҥыше ден призёр радамыш логалыт. Марсель Сулейманов ден Мунир Галлямов тӱнямбал кӱкшытан спорт мастер нормативым шуктеныт.
А Сабантуй пайремыште корэш ик эн тӱҥ спорт таҥасымашлан шотлалтеш. Тудым калык йӧратен онча. Оҥай вашпижмашым Медведево районысо ипподромышто эртыше Сабантуй кечын 12 шагатат 30 минут гыч 15 шагат марте ужын кертына.
Абсолютный батырлан Татарстан Республикын раисшын лӱмжӧ дене Лада Гранта автомобиль ден кугу тагам кучыктат.
Тушто тыгак армрестлинг, масс-реслинг, кира спорт да вий-куатым тергыме моло таҥасымашым ончаш лиеш.
Присоединяйтесь к ОК, чтобы подписаться на группу и комментировать публикации.
Нет комментариев