«Մանչեսթեր Յունայթեդը» պատրաստվում «Բարսելոնայի» հարձակվող Նեյմարի համար ամռանը 200 միլիոն եվրո առաջարկել: Հենց այդքան է կազմում բրազիլացու պայմանագրով նախատեսված հրաժարագինը, որը տարիների ընթացքում ավելանալու է ևս 50 միլիոնով:
Sport.es-ը գրում է, որ «կարմիր սատանաները» մտադիր են 25-ամյա ֆուտբոլիստին տարեկան 25 միլիոն եվրո վճարել և դա հարկային պարտավորությունները մարելուց հետո: Այդ գումարը երկու անգամ գերզանցում է հարձակվողի ներկայիս աշխատավարձ, եթե հաշվի առնվեն նրա հարկային վճարումները:
Նեյմարը կատալոնացիների հետ նոր պայմանագիր է կնքել 2016 թվականի հոկտեմբերին, որը նախատեսված է մինչև 2021 թվականի ամառը:
Հիշեցնենք, որ համաշխարհային տրանսֆերային ներկայիս ռեկորդը նույնպես պատկանում է անգլիական այդ ակումբին, որը նախորդ տարվա ամռանը Պոլ Պոգբայի համար «Յուվենտուսին» 105 միլիոն եվրո է վճարել: Այն հնարավոր բոնուսների շնորհիվ կարող է ավելանալ ևս 5 միլիոնով:
Присоединяйтесь к ОК, чтобы подписаться на группу и комментировать публикации.
Нет комментариев