Любанская районная библиотека.Отдел обслуживания.

“Са спадчыны народнай”

Самае святое на зямлі – Хлеб. Хлеб – веліч. У ім усё: і святло сонца, і блакітная вільгаць неба, і праца рук хлебароба. І як вынік, вянец – духмяны каравай на стале.
Нясмачнага хлеба не бывае ўвогулле. Але ўсё ж сапраўдны, непаўторны смак менавіта ў бохана, які “нарадзіўся” у вясковай печы. А калі яшчэ і па рэцэптах нашых прадзедаў!...
Хатні хлеб з хрумсткай скарыначкай і адначасова мяккім асяродкам стаў не толькі візітнай карткай Любанскага раёна, але вядомы ўжо і далёка за яго межамі. На раённых, абласных, рэспубліканскіх святах няма адбою ад жадаючых пакаштаваць такі, здаецца просты, і адначасова дзівосны пачастунак. І не дзіўна, што ў 2020 годдзе тэхналогіі і традыцыі выпякання хлеба ў в.Жораўка і в.Кузьмічы нададзены статус нематэрыяльнай культурнай спадчыны. А больш даведацца пра сакрэты мясцовых кулітак , паўдзельнічаць у тэматычных міні-квізах вы зможаце, калі наведаеце інтэрактыўны тэматычны куток “Са спадчыны народнай”, які размешчаны на абанеменце нашай бібліятэкі. Запрашаем!