Тӧӧп кылыкту, эрӱ чырайлу.
Алтайдыҥ чечектери
Кыс баланыҥ кеберинге салынган.
Јылу кӧрӱжи, эрке чырайы,
Јараш бӱдӱми, јымжак колдоры
Кыс кижиге Кудайдаҥ јайаалган.
Кыс бойоорды ару тудугар,
Билелӱ јӱрӱмге бойоорды кичеегер.
Эне болорор - деп билип јӱрӱгер.
Јурттыныҥ очогын коруйтан,
Билениҥ Энези болотон.
Эр кижиниҥ эш-нӧкӧри болуп
Уктар улалтар кару Кыстар.
Тыш бӱдӱмиле чичке ле чыйрак,
Кайыҥаштый элгир бойы.
Је ӧзӧгинде отту, турумкай,
Салкынга удура базар,
Јаҥмырга ӧдӱп јалтанбай турар.
Кӱчтерди унчукпай ӧдӱп чыгар,
Керек дезе јурттында корыыр.
Билезин бек куурчап алар.
Эш-нӧкӧрине тайак болуп,
Јӱрегин сыйлаган.
Теҥ-тай туруп
Јӱрӱмге алтаган.
Кол колдоҥ тудужып
Ичкери кожо уланган.
Кӱчти, шыраны кӧргӱспес, билдиртпес,
Бирде кӧӧркий комудабас.
Балдары учун тур чыгар,
Ончозыныҥ аданын алар
Кыс улуска алкыш быйан!
🌹🌹🌹🌹🌹🌹🥰
Присоединяйтесь к ОК, чтобы посмотреть больше фото, видео и найти новых друзей.
Нет комментариев