Предыдущая публикация
✅ Башкортстанда сәнәгать өлкәсендә эшләүче предприятиеләр яхшы нәтиҗәләр күрсәтә.
Әлбәттә, монда Башкортстан Башлыгы Радий Хәбиров тарафыннан гамәлгә кертелгән ярдәм чараларының өлеше зур. Шундый предприятиеләрнең берсе – Сибайда урнашкан “Башзолото” җәмгыяте.
✅ “Башзолото” Сибайда 2009 елның маенда оеша. Предприятие бакыр рудасын чыгару һәм баектыру белән шөгыльләнә. Шуны билгеләргә кирәк, соңгы 5 елда предприятие иң югары күрсәткечләргә ирешкән. Мәсәлән, 2021 ел нәтиҗәләре буенча компаниянең табышы 517,9 миллион сум тәшкил иткән.
✅ Узган елда Башкортстан Башлыгы Радий Хәбиров башлангычы белән “Башзолото” җәмгыятенең Вишневский яткылыгындагы рудникны эшкәртү буенча проектлары өстенлеклеләр исемлегенә кертелде.
✅ Компаниянең проектка кертемнәре 11 миллиард сум булачак. Аны гамәлгә ашыру барышында 195 эш урыны булдырылачак, ә хезмәт җитештерүчәнлеге елына 600 мең тоннага кадәр артачак.
✅ Шулай ук, Сибайда ышанычлы адымнар белән алга баручы тагын бер предприятие – Башкортстан шахта проходкалау идарәсе.
✅ Предприятиедә эшләүчеләр саны даими арта бара һәм хәзерге вакытта 1100дән артык кеше исәпләнә. Предприятие теләсә нинди төр тауларда вертикаль, авыш һәм горизонталь ысул белән карьерлар әзерләүдә махсуслаша. Предприятиенең тотрыклылыгының гаранты – Башкортстанда полиметалл яткылыклар булу.
✅ Сибай шәһәре хакимияте башлыгының икътисад, инвестицияләр һәм сәнәгать буенча беренче урынбасары Сергей Озерцов соңгы 5 елда сәнәгатьнең күпкә алга китүен билгеләп үтте.
Следующая публикация
Нет комментариев