Вайна 1600-1611 гадоў — вайна за Эстонію, спадчыну ордэна Мечнікаў.
Іншай прычынай вайны было змаганне за шведскі пасад паміж герцагам Карлам Сёдэрманландскім (будучым каралём Карлам IX) і Жыгімонтам III Вазай (вялікім князем Літоўскім і каралём Польшчы).У 1599 шведскі рыксдаг афіцыйна зрушыў Жыгімонта Вазу з пасада і разгледзеў кандыдатуру яго сына ў якасці наступніка з умовай: 4-гадовы каралевіч павінен прыехаць у Швецыю і быць хрышчаны ў лютаранскую веру. Для Жыгімонта такія ўмовы былі непрымальнымі. Так скончылася кароткая асабістая унія паміж Польшчай і Швецыяй.Аднак Жыгімонт да канца жыцця не пакінуў надзеяў вярнуць сабе шведскі пасад. На Сойме 1600 года кароль абвясціў пра далучэнне шведскага герцагства Эстляндыя да Рэчы Паспалітай.Шляхта Рэчы Паспалітай, падтрымаўшы прэтэнзіі караля, чакала набыццяў у выглядзе новых земляў і павелічэння экспарту збожжа праз эстляндскія порты на Балтыйскім моры.Камандуючым войскамі быў прызначаны Ян Кароль Хадкевіч. Нягледзячы на нястачу запасаў і недастатковую падтрымку ад Сойма і караля, ён бліскуча паказаў сябе, выйграваючы бітву супраць перасяжных сіл. У бітве пры Пайдэ ў яго былі толькі 2300 чалавек і ён пабіў 6-тысячнае шведскае войска. Яго войскі страцілі 81 забітага і 100 параненых, а шведскія страты дасягалі паловы ўсяго войска. За адвагу кароль узнагародзіў Хадкевіча булавой вялікага гетмана літоўскага.У 1605 годзе Хадкевіч здабыў перамогу ў бітве пад Кірхгольмам, якая натхняла сваёй эпічнасцю мастакоў і паэтаў. Яго вычынам прысвечана паэма "Караламахія" мінскага ваяводы Хрыстафора Завішы.Дэцэнтралізаваная фінансавая сістэма Рэчы Паспалітай (усе падаткі павінны быць узгоднены ўсімі дваранамі і на Сойме, і на рэгіянальных Сойміках) прывяла да таго, што скарб дзяржавы быў амаль заўсёды пусты. Гэтая загана пераследвала Рэспубліку цягам стагоддзяў.Недастатковае забеспячэнне арміі і ўнутраныя праблемы (бунт шляхты супраць узмацнення каралеўскай улады) не дазволілі Рэчы Паспалітай скарыстацца вынікамі перамог. Пасля вайны межы засталіся ранейшымі.
Присоединяйтесь к ОК, чтобы подписаться на группу и комментировать публикации.
Комментарии 1