3 верасня.
1731 - Нарадзіўся Станіслаў Богуш-Сестранцэвіч (в. Занкі, цяпер Свіслацкі р-н), вучоны, царкоўны дзеяч, літаратар. Дзядзька В. Дунін-Марцінкевіча.
1894 - Нарадзіўся Уладзімір Хлябцэвіч (мяст. Жыровічы, цяпер Слонімскі р-н), удзельнік грамадска-літаратурнага руху пачатку XX ст.
1909 - У Гародне заснаваны гурток беларускай моладзі.
1919 - У Вільні выйшаў першы нумар газеты "Незалежная Беларусь",
орган Віленскага Белнацкама (выдавалася да 10 лістапада 1919 г.). Рэдактары А. Карабач, К. Мядзёлка.
1927 - Нарадзіўся Алесь Адамовіч (в. Канюхі, цяпер Капыльскі р-н), пісьменнік, грамадскі дзеяч.
1960 - Памёр Міхась Васілёк (сапр. Касцевіч), паэт, актывіст Беларускай Сацыял-Дэмакратычнай Грамады, Таварыства Беларускай Школы. Пахаваны на старых праваслаўных могілках у Гародне.
1978 - У Рыме (Італія) памёр Пётр Татарыновіч, святар, грамадска-культурны дзеяч, літаратар, выдавец, дзеяч эміграцыі ў Італіі і Ватыкане.
1980 - Памёр Мікола Дучыц, мастак.
1990 - Памёр Міхась Дубянецкі, грамадскі дзеяч, кнігавыдавец, публіцыст, перакладчык. Пахаваны на Паўночных могілках у Менску.
1991 - Менскі гарсавет прыняў пастанову пра неабходнасць вяртання сталіцы краіны яе гістарычнай назвы - Менск.
Присоединяйтесь к ОК, чтобы подписаться на группу и комментировать публикации.
Нет комментариев