13 ліпеня.
1260 - Войскі Вялікага княства Літоўскага разграмілі крыжакоў ля возера Дурбе (Латвія).
1410 - Вялікая вайна 1409—1411 гадоў: саюзныя войскі Вітаўта і Ягайлы захапілі Дуброўна.
1704 - Каралём Рэчы Паспалітай і вялікім князем ВКЛ абраны Станіслаў Ляшчынскі.
1858 - Нарадзіўся Андрэй Вількіцкі (Меншчына), падарожнік, гідрограф-геадэзіст.
1863- Паўстаньне 1863—1864 гадоў: паўстанцы атрада Рамуальда Траўгута панесьлі цяжкія страты пад Пінскам.
1866 - Нарадзіўся Напалеон Чарноцкі (в. Нача, цяпер Ляхавіцкі р-н), публіцыст, перакладчык.
1868 - Памёр Канстанцін Тышкевіч, гісторык, краязнавец, адзін з заснавальнікаў беларускай навуковай археалогіі.
1915 - На фронце паблізу Каўнаса (Літва) загінуў Лявон Гмырак (сапр. Мечыслаў Бабровіч), крытык, публіцыст, празаік.
1943 - Каля в. Навумавічы (Гарадзенскі р-н) гітлераўцамі расстраляна Марыяна Бярнацкая (дзяв. Чакала), якая ахвяравала жыццём за іншага чалавека. 13 чэрвеня 1999 г. яна была беатыфікавана каталіцкім касцёлам. Нарадзілася ў Ліпску каля Ломжы Падляскага ваяв., Польшча (1888 г.).
1990 - Памёр Янка Багдановіч, пісьменнік, мемуарыст, вязень савецкіх канцлагераў. Пахаваны на могілках Саўлес у Вільні.
1993 - У Магілёве прайшоў першы фестываль хрысціянскай музыкі "Магутны Божа".
Присоединяйтесь к ОК, чтобы подписаться на группу и комментировать публикации.
Нет комментариев