Предыдущая публикация
ДЗЕНЬ У ГІСТОРЫІ.
25 лістапада.
1714 - Нарадзіўся Тамаш Жаброўскі (маёнт. Дзятлава, цяпер Дзятлаўскі р-н), асветнік, дойлід, астраном, матэматык.
1795 - Кароль Рэчы Паспалітай Станіслаў Аўгуст Панятоўскі ў гарадзенскім Новым замку адрокся ад трона.
1910 - Нарадзіўся Змітрок Астапенка (в. Калеснікі, цяпер Хіславіцкі р-н Смаленскай вобл., Расея), паэт, перакладчык, вязень савецкага канцлагера. У пачатку Другой сусветнай вайны ўцёк з лагера на фронт, загінуў у баі ў Карпатах (кастрычнік 1944 г.).
1925 - У Менску пачаўся (доўжыўся да 29 лістапада) першы з'езд паэтаў і пісьменнікаў аб'яднання "Маладняк".
1988 - Скончыла жыццё самагубствам Яўгенія Янішчыц, паэтэса. Пахавана на Усходніх могілках у Менску.
2002 - У Гародне выйшаў першы нумар інфармацыйна-аналітычнага бюлетэню "Свой Лад" (выходзіў да траўня 2004 г., усяго выйшла 14 нумароў, рэдакцыя была разгромлена).
2003 - Памерла Людміла Махнюк (дзяв. Каліноўская), дзеяч культурнага руху ў эміграцыі ў ЗША. Пахавана на беларускіх могілках у Саўт-Рыверы (Нью-Джэрсі, ЗША).
Следующая публикация
Нет комментариев