3 жніўня.
1470 - Заснаваны Жыровіцкі манастыр.
1615 - Памёр Крыштаф Мікалай Дарагастайскі, дзяржаўны дзеяч Вялікага княства Літоўскага, заснавальнік друкарні ў Ашмяне Мураванай; Доктар медыцыны. Стольнік літоўскі (1588—1590), крайчы літоўскі (1590—1592), падчашы літоўскі (1592—1596), надворны (1596—1597) і вялікі маршалак літоўскі (1597—1615); стараста ваўкавыскі, шарашоўскі, вялёнскі, мсцібаўскі, навамлынскі, дынемундскі, арандатар ялоўскі і курылоўскі.
1654 - Пад Воршай адбылася бітва аддзелаў польскага гетмана Гасеўскага з маскоўскім войскам.
1678 - Паміж Рэччу Паспалітай і Расіяй заключаны дагавор аб працягу на 13 гадоў Андрусаўскага перамір'я, наўзамен Кіева Рэчы Паспалітай перададзены Веліж, Себеж і Невель.
1847 - Памёр Марцін Цяплінскі, паэт, фалькларыст, удзельнік паўстання 1830-1831 гг. Нарадзіўся ў фальв. Крупава (цяпер Зэльвенскі р-н), ці ў Цяшэйкаве (1810? г.).
1953 - Нарадзіўся Валерый Шаблюк (г. Узда), гісторык.
1971 - Памёр Янка Маўр (сапр. Фёдараў Іван), пісьменнік, перакладчык, адзін з пачынальнікаў беларускай дзіцячай літаратуры. Пахаваны на Усходніх могілках у Менску.
1986 - Нарадзілася Дар'я Домрачава, беларуская біятланістка.
Присоединяйтесь к ОК, чтобы подписаться на группу и комментировать публикации.
Нет комментариев