10 ліпеня.
1067 - На Дняпры каля Воршы адбылася сустрэча князёў Кіеўскай Русі Яраславічаў з полацкім князем Усяславам Брачыслававічам (Чарадзеем), у выніку якой апошні быў схоплены.
1795 - У Гародне заснавана Вярхоўнае літоўскае кіраванне.
1830 - Памёр Людвік Сабалеўскі, філолаг, бібліёграф. Біяграфічных звестак пра яго амаль не захавалася. Ві-даць, паходзіў з беларускай шляхты. На па-чатку 19 ст. быў старшынёй цывільнай па¬латы ў Віцебску. Пісаў эпіфамы, іранічна-філасофскія i гумарыстычныя вершы на польскай i, як сведчаць сучаснікі, на беларускай i рускай мовах. Творы Р., прысвечаныя пэўнай рэальнай асобе, карысталіся вялікай папулярнасцю, распаўсюджваліся на Віцебшчыне ў спісах, завучваліся на памяць, але пры жыцці аўтара нідзе не друкаваліся.
1871 - Нарадзіўся Павел Дземідовіч (в. Мікалаеўшчына, цяпер Стаўбцоўскі р-н), этнограф, фалькларыст, краязнавец, педагог. Верагодна, брат А.Дземідовіча. У 1890 скончыў Нясвіжскую настаўніцкую семінарыю, у 1897 — Віленскі настаўніцкі інстытут. Настаўнічаў у Мінскім і Навагрудскім пав. Выкладаў у Выбаргскай настаўніцкай семінарыі і на настаўніцкіх курсах у Выбаргу і Юр’еве (Тарту). З 1908 супрацоўнік аддзялення этнаграфіі Таварыства аматараў прыродазнаўства, антрапалогіі і этнаграфіі пры Маскоўскім ун-це. Публікаваўся ў выданнях «Виленский вестник», «Этнографическое обозрение», «Живая старина». З 1915 настаўнік у Віцебску. З 1919 у Мінску; арганізатар і загадчык бел. гімназіі. У ліп. 1920 — вер. 1921 у Наркамаце асветы БССР. З 1921 выкладчык Мінскага інстытута народнай адукацыі. Арыштаваны ў лют. 1921 па абвінавачанні ў антысавецкай дзейнасці. З 1922 выкладаў у сярэдніх школах Мінска. З 1925 член этнаграфічнай секцыі Інбелкульта. Частку сваіх збораў перадаў М.Доўнар-Запольскаму. Спадчына Д. выкарыстана пры падрыхтоўцы выданняў «Легенды і паданні» (1983), «Земляробчы каляндар» (1990) серыі «Беларуская народная творчасць».
1891 - Нарадзіўся Павел Валошын (в. Гаркавічы Сакольскага пав., Падляскага ваяв., Польшча), беларускі грамадска-палітычны дзеяч, публіцыст Член Беларускага пасольскага клубу, адзін з заснавальнікаў БСРГ. Арыштаваны польскімі ўладамі (працэс 56-ці) і ў выніку абмену палітычнымі зняволенымі з 1932 у СССР. Выступаў з лекцыямі і публікацыямі. З 1933 у Мінску. Працаваў у Беларускай дзяржаўнай бібліятэцы і ў Бібліяграфічным інстытуце пры гэтай бібліятэцы. Арыштаваны ў 1933 па справе «Беларускага нацыянальнага цэнтра», Этапаваны ў Беламорска-Балтыйскі лагер НКУС. У 1937 Асобай «тройкай» УНКУС прыгавораны да расстрэлу. Рэабілітаваны ў 1956..
1900 - Нарадзіўся Пётр Сергіевіч (в. Стаўрова, цяпер Браслаўскі р-н), мастак.
1922 - Абвешчана аўтаномія Беларускай праваслаўнай царквы на чале з мітрапалітам Мелхіседэкам.
1972 - У в. Вязынка Маладзечанскага р-на адкрыўся Купалаўскі мемарыяльны запаведнік.
1994 - Першым прэзідэнтам Рэспублікі Беларусь абраны Лукашэнка.
Присоединяйтесь к ОК, чтобы подписаться на группу и комментировать публикации.
Комментарии 1