Лівонская (Інфлянцкая) вайна (1558-1583) — спроба Маскоўскага цара Івана IV Жахлівага захапіць Лівонію. У вайне бралі ўдзел Лівонская канфедэрацыя, Маскоўскае царства, Вялікае княства Літоўскае, Шведскае і Дацкае каралеўствы. Баявыя дзеянні вяліся галоўным чынам на тэрыторыі сучасных Эстоніі, Латвіі, Беларусі і Паўночна-Заходняй Расіі.
1558 Напад Маскоўскага царства на Лівонію і захоп Нарвы, Дэрпта і шэрага іншых гарадоў.
1561 па Віленскім дамовам Лівонская канфедэрацыя была ліквідавана, частка яе тэрыторыі ператваралася ў васальнае ў адносінах да ВКЛ
герцагства Курляндыя і Семігалія, іншая ж наўпроста ўвайшла ў склад Вялікага княства Літоўскага.
З гэтага часу вайна вялася паміж ВКЛ і Маскоўскім царствам.
1563 Маскоўскім войскам быў захоплены Полацк — нуйбуйны і найбагаты горад ВКЛ. Спусташэнне горада стала канцом велічы Полацка, пасля якога ён больш ніколі не адрадзіўся. Колькасць палонных жыхароў склала ад 15 000 да 60 000 чалавек, большасць з іх былі прададзены ў рабства.
1564 год. 27 студзеня ў бітве на Уле 6-ці тысячнае войска Мікалая Радзівіла Рудага і Рыгора Хадкевіча разграміла 20-ці тысячнае
маскоўскае войска. Маскоўскі паход на беларускія землі быў спынены.
1569 У кіраванне апошняга Ягелона — Жыгімонта II Аўгуста — ВКЛ па Люблінскай уніі з'ядналася з Каралеўствам Польскім у адзіную Рэч Паспалітую для абароны ад вонкавай агрэсіі.
1575 Вялікім князем Літоўскім і каралём Польшчы робіцца Стэфан Баторый.
1579 год. 30 жніўня пасля 20-ці дзённай аблогі войска Рэчы Паспалітай вызвалілі Полацк. Войскі Стэфана Баторыя дайшлі да Пскова і аблажылі горад. Шведы ўзялі Нарву і аблажылі Арэшак.
1582 Вайна скончылася падпісаннем Ям-Запольскага (1582 год) і
Плюскага (1583 год) перамір'яў. Масковія пазбаўлялася ўсіх заваёваў, зробленых у выніку вайны, а таксама зямель на мяжы з Рэччу Паспалітай і прыморскіх балтыйскіх гарадоў (Капор'я, Яма, Івангорада). Тэрыторыя Лівонскай канфедэрацыі была падзелена паміж Рэччу Паспалітай, Швецыяй і Даніяй.
Лівонская вайна аказала велізарны ўплыў на падзеі ва Усходняй
Еўропе і ўнутраныя справы ўцягнутых дзяржаў. У выніку яе скончыў сваё існаванне Лівонскі ордэн, вайна спрыяла ўтварэнню Рэчы Паспалітай, а Маскоўскае царства прывяла да эканамічнага заняпаду.
Присоединяйтесь к ОК, чтобы подписаться на группу и комментировать публикации.
Нет комментариев