"У шматразовых сутычках з непрыяцелем мы патрацілі ваенныя снарады і аслабелі ў сілах; нашыя коні знемагалі, а воіны, змагаючыся няспынна, ад світанку летняга дня да абеду, напэўна, гадзін пяць, страцілі і бадзёрасць, і жаданне ў намаганнях звыш прыроды чалавечай.
Больш за ўсё палохала нас думка, што мызнаходзіліся сярод зямлі варожай, на ўвазе ворагаў шматлікіх і жорсткіх: адбіцца ад іх нельга было і падумаць; выпрасіць літасць таксама здавалася немагчымым: выратаванне нашае залежыла адзіна ад Бога, шчасця і зброі.
Мы падбадзёрвалі адзін аднаго надзеяй, якая падтрымлівала нашую мужнасць."
Дзённік Маскевіча,1594-1621
Бітва пры Клушыне 4 ліпеня 1610 года — вырашальная бітва вайны з Масковіяй 1609-1618 гг., падчас якой войска Рэчы Паспалітай на два гады (з 1610 па 1612) занялі Маскоўскі Крэмль. Адно з асноўных падзей Смутнага часу, калі на маскоўскім троне сядзеў сын вялікага князя Літоўскага і караля Польшчы Сігізмунда III Вазы.
Войска Рэчы Паспалітай пад камандаваннем Станіслава Жалкеўскага ў колькасці каля 6800 чалавек (5500 з якіх складалі крылатыя гусары)
разграмілі маскоўскія і шведскія войскі колькасцю 30000 і 5000 чалавек.
Рускі абоз, казна, артылерыя, сцягі, нарэшце, увесь асабісты багаж палкаводцаў, у тым ліку, шабля і ваяводская булава Шуйскага, дастаўся
войску Жалкеўскага. «Калі мы ішлі ў Клушына, — пісаў Жалкеўскі ў лісце да караля, — у нас была толькі адна мая калыска і фургоны двух нашых гармат; пры вяртанні ў нас было болей вазоў, чым салдат пад ружжом»
Вынікі бітвы:
Рэшткі маскоўскай арміі разбегліся, і яна фактычна перастала існаваць. Армія Рэчы Паспалітай ўзмацнілася трыма тысячамі наймітаў, якія перайшлі на службу да Сігізмунда III, і васьмітысячным рускім войскам
Валуева, які прысягнуў каралевічу Уладзіславу пасля паразы.
Услед за тым, у Маскве быў зрынуты Васіль Шуйскі і ўтвораны
часовы баярскі ўрад (Сямібаяршчына), які прысягнуў Уладзіславу (сыну Сігізмунда III) і ўпусціў у Маскву войска Рэчы Паспалітай. Такім чынам, перамога пры Клушыне на некаторы час прывяла да ліквідацыі Маскоўскай дзяржавы.
Праз год, 3 чэрвеня 1611 г., пасля доўгай аблогі ў склад ВКЛ быў вернуты Смаленск.
Присоединяйтесь к ОК, чтобы подписаться на группу и комментировать публикации.
Нет комментариев