Предыдущая публикация
Каҫару ыйтасси ҫӑмӑл мар-тӑр,
Хамӑра ҫӗнтерме хал тупасчӗ анчах.
Хул пуҫҫи ҫийӗнчи чул пит йывӑр,
Ҫӗклесе ҫӳреме кирлӗ мар кӑлӑхах.
Тарӑн йӗр хӑварать пит-куҫра та,
Кӳренӳ - кӑра ҫиллӗ, пӑсать кӑмӑла.
Чун-чӗре айӑппа тӑвӑлсан та,
Юлар мар пӗччене ҫилленсе айванла.
Йӑнӑшсем тунӑ вӑхӑт пулсассӑн,
Хӗрхенсе каҫарать Ҫӳлти Турӑ пире.
Этеме чунӗпе тасалмашкӑн,
Паратех хӑватне, уҫатех ыр ҫулне.
***
Каҫарма эп ыйтатӑп пурне те,
Сӑмахпа е ӗҫпе кӳрентернӗ пулсан.
Каҫаратӑп эп хам та сире те,
Тур каҫартӑр, сыхлатӑр пире усалтан.
Марина Иванова (Краснова)
Присоединяйтесь к ОК, чтобы подписаться на группу и комментировать публикации.
Нет комментариев