Коласаўскі тэатр

Так прыемна чуць добрыя водгукі менавіта ад гледачоў! 9 кастрычніка Коласаўскі тэатр паказаў на сцэне Камернага драматычнага тэатра ў расійскім Смаленску спектакль "Пахавайце мяне за плінтусам" паводле аднайменнай аповесці Паўла Санаева. Прымалі вельмі добра! Кажуць, праслязіліся нават мужчыны... Рэжысёр-пастаноўшчык спектакля - заслужаны дзеяч мастацтваў Рэспублікі Беларусь Валерый Анісенка. Мастак-пастаноўшчык Андрэй Жыгур. У паказе спектакля ў галоўных ролях былі занятыя: Яўген Бераснеў (Саша), Валянціна Багданава (Бабуля), уладальнік медаля Францыска Скарыны Пятро Ламан (Дзед), Ніна Обухава (Маці).

24 кастрычніка (19:00) Магілёўскі абласны драматычны тэатр пакажа на коласаўскай сцэне французскую камедыю «СЕМЬ ЖЕНЩИН НА ШЕЕ» па п'есе Клода Манье «Блэз». Чароўны і прадпрымальны хлопец Блэз уцягваецца ў рызыкоўную авантуру. Яго мэта – стаць казачна багатым. Падзеі разгортваюцца імкліва, а недарэчныя выпадковасці раз-пораз ставяць пад пагрозу дзёрзкую задуму. Шлях героя складаецца са мноства хвацкіх паваротаў. Блэз сам не заўважае, як апынаецца пад прэсам акалічнасцей – жанчыны шчыльна абступаюць яго з усіх бакоў… «Семь женщин на шее» – лёгкі, гуллівы, бліскучы спектакль, у якім кожны персанаж валодае яркім характарам. У двух словах – французская камедыя з належнай рамантыкай і іскрыстым гумарам. Падзеі накладаюцца адно на другое, ніткай змотваюцца ў клубок, разблытаць які – заданне не з простых. Гэта аповед пра нечаканае каханне, дзе ў канцы ўсё абавязкова будзе добра. Рэжысёр-пастаноўшчык Андрэй Гузій. Мастак-пастаноўшчык Андрэй Меранкоў. Мастак па касцюмах Таццяна Стысіна. Прэм'ера – 17 кастрычніка 2019 года. Узроставае абмежаванне – 16+. Спектакль ідзе на рускай мове. Квіткі – у касе тэатра (тэлефон 62-63-81), у аператара квіткоў https://www.kvitki.by/rus/bileti/teatr/gastroli/gastroli-mogiljovskogo-oblastnogo-akademicheskogo-teatra-sem-zhenschin-na-shee-438402/

Напрыканцы кастрычніка на коласаўскай сцэне – гастролі Магілёўскага абласнога драматычнага тэатра. 23 кастрычніка (19:00) – камедыя на 3-ы дзеі «РОМАНТИКИ» па п'есе класіка французскай драматургіі Эдмона Растана. Іскрысты гумар, дзёрзкія выкраданні, адважныя двубоі і шляхетныя подзвігі – усё гэта чакае вас у камедыі «Рамантыкі». У сюжэце спарадыравана трагедыя Шэкспіра «Рамэа і Джульета»: паміж юнаком і дзяўчынай з двух нібыта варожых сем'яў, Персіне і Сільветай, выбухае запал. Для сапраўднага кахання ўсе перашкоды нічога не значаць, і любая перашкода з боку бацькоў толькі распальвае пачуцці праўдзівых рамантыкаў! Персіне і Сільвета, начытаўшыся рамантычнай літаратуры, нават мараць пра небяспекі і прыгоды. Зрэшты, вельмі хутка высвятляецца, што нянавісць паміж сем'ямі паказная – яна разыгрываецца бацькамі закаханых, каб дамагчыся шлюбу паміж наіўнымі нашчадкамі… Даведаўшыся пра зман, ці расчаруюцца маладыя ў сваіх ідэалах або, наадварот, іх пачуцці ад гэтага толькі мацнейшымі? Пра гэта вы даведаецеся з камедыі магілёўскага тэатра – вельмі вясёлай, вытанчанай і музычнай. Жывая музыка падкрэсліць атмасферу неразважлівасці, маладосці і рамантыкі. І, вядома ж, у гэтай гісторыі «канец шчаслівы, як сама вясна!» Рэжысёр-пастаноўшчык і мастак-пастаноўшчык – Міхал Лашыцкі. У спектаклі скарыстана музыка інды-рок гурта «ili-ili». Прэм'ера – 27 красавіка 2017 года. Узроставае абмежаванне – 12+. Працягласць – 2 гадзіны 30 хвілін з двума антрактамі. Спектакль ідзе на рускай мове. Квіткі – у касе тэатра (тэлефон 62-63-81), у аператара квіткоў - https://www.kvitki.by/rus/bileti/teatr/gastroli/gastroli-mogiljovskogo-oblastnogo-akademicheskogo-teatra-romantiki-443937/

Афіша на лістапад гатовая! Знаёмцеся, выбірайце лепшыя для сябе спектаклі! Коласаўскі тэатр заўсёды чакае сваіх удзячных гледачоў. Сярод найбольш знакавых пастановак лістапада. 2 лістапада (18:00) – бенефіс народнага артыста Беларусі, лаўрэата Дзяржаўнай прэміі БССР Тадэвуша Кокштыса. Самы старэйшы артыст Коласаўскага тэатра выйдзе на сцэну ў ролі Князя ў трагіфарсе «ДЗЯДЗЕЧКАЎ СОН» паводле аднайменнай аповесці Фёдара Дастаеўскага. 8 лістапада (19:00) запрашаем на ваенную драму «СОТНІКАЎ» паводле аднайменнай аповесці народнага пісьменніка Беларусі Васіля Быкава. Рэжысёр – мастацкі кіраўнік тэатра Канстанцін Ганчароў. 9 лістапада (18:00) – трагічная балада пра прынца Дацкага «ГАМЛЕТ» Уільяма Шэкспіра. Адна з самых сусветна вядомых п’ес. Яе актуальнае бачанне разам з коласаўцамі стварыў заслужаны дзеяч мастацтваў Расійскай Федэрацыі Аляксандр Бармак. 13 лістапада (19:00) на камернай сцэне адбудзецца цёплы музычны вечар «ДУШЕВНЫЙ РАЗГОВОР». Артысты раскажуць пра гісторыю вядомых песень. 19 і 20 лістапада (19:00) – гастролі Камернага драматычнага тэатра з Мінска (тэатральная майстэрня Наталіі Башавай). Запрашаем на лірычную камедыю «МУЖЧИНА В ПОДАРОК» па п’есе Аляксандра Галіна «Сірэна і Вікторыя» і трагікамедыю «ЕХАЙ!» Ніны Садур. Спектаклі ідуць на рускай мове. 24 лістапада (18:00) адбудзецца першая ў 99-м сезоне прэм’ера! На камернай сцэне музычна-паэтычны вечар «МУЗЫКАЛЬНЫЙ ВЕРНИСАЖ». Ідэя і пастаноўка Святланы Жукоўскай, уладальніцы прыза Беларускага саюза тэатральных дзеячаў «Крыштальная кветка». 30 лістапада (18:00) – гастролі расійскіх артыстаў тэатра і кіно з Масквы. Яны пакажуць навагоднюю рамантычную камедыю «НОВОГОДНЕЕ ЧУДО В БОЛЬШОМ ГОРОДЕ» Ірына Ярмаковай. Квіткі на спектаклі лістапада – у касе тэатра (тэлефон 62-63-81). І ў аператараў квіткоў – https://www.kvitki.by/rus/razvlechenija/organizatori/nacionalnyj-akademicheskij-dramaticheskij-teatr-imeni-jakuba-kolasa-gu/ – https://www.ticketpro.by/koncertnye-ploshhadki/vitebskij-teatr-yakuba-kolasa/ – https://24afisha.by/ru/other/organizer/431

Адкрыццё новага, 99-га, тэатральнага сезона Коласаўскага тэатра адбылося 6 кастрычніка. Коласаўцы паказалі сёлетнюю прэм’еру – «Гамлет», трагічную баладу пра прынца Дацкага па п’есе сусветна вядомага англійскага драматурга Уільяма Шэкспіра. Перад спектаклем з гледачамі выйшлі павітацца мастацкі кіраўнік тэатра Канстанцін Ганчароў, рэжысёр спектакля, заслужаны дзеяч мастацтваў Расійскай Федэрацыі Аляксандр Бармак і вядучы рэдактар Алесь Замкоўскі. Персанальная прэм’ера была таксама ў двух артыстаў тэатра. Аляксей Анісеня ў першы раз сыграў галоўную ролю Гамлета. Аксана Сурвіла – ролі Марцэла і Разэнкранца. Наступны раз спектакль «Гамлет» можна паглядзець 9 лістапада, 18:00. Квіткі - у касе тэатра (тэлефон 62-63-81) і на сайце https://www.kvitki.by/rus/bileti/teatr/gastroli/gamlet-445456/

22 жніўня адзначыла юбілей актрыса, вядучы майстар сцэны Коласаўскага тэатра, дасведчаны рэжысёр-пастаноўшчык Ніна Обухава. А 28 верасня адбыўся яе бенефіс, калі яна выйшла на сцэну ў галоўнай ролі Раксаны ў спектаклі «Самая жаданая» па п’есе «Самая-самая» Сяргея Гіргеля. Пасля паклону першым павіншаваць Ніну Аляксандраўну выйшаў мастацкі кіраўнік тэатра Канстанцін Ганчароў і ўручыў ёй Падзяку старшыні Віцебскага гарадскога выканаўчага камітэта. Ганаровую грамату Віцебскай абласной арганізацыі Беларускага прафсаюза работнікаў культуры, інфармацыі, спорту і турызму ўручыла старшыня прафкама тэатра Рыта Селядцова. Потым пачаліся творчыя віншаванні. Самыя прыгожыя словы казалі народная артыстка Беларусі Святлана Акружная, якая дапамагалі Ніне Обухавай рабіць першыя ўпэўненыя крокі на сцэне, вядучы майстар сцэны Раіса Грыбовіч. Коласаўцы падрыхтавалі для Ніны Обухавай сапраўдны акцёрскі сюрпрыз. На сцэне з песняй-віншаваннем выступіў «хор» Коласаўскага тэатра на чале з заслужанай артысткай Рэспублікі Беларусь Галінай Букацінай у вобразе пані Спасоевіч са спектакля «Доктар філасофіі». І кожны артыст «апрануў» на сябе вобраз з творчай біяграфіі Ніны Обухавай і адпаведны яму касцюм. Вадзім Асвяцінскі – у ролі Смерці з «Гамлета», Аксана Сурвіла – Ангустыяс з «Дома Бернарды Альбы», Дзмітрый Філімоненкаў – маці Цвыркунка з «Казявачкі», Святлана Жукоўская – бабуля Агапа з «Агнявога Льва», Вольга Куляшова – дачка Бабы Ягі са спектакля «Да трэціх пеўняў», Святлана Сухадолава – Віялета з казкі «Усе мышы любяць сыр», заслужаная артыстка Рэспублікі Беларусь Святлана Ліхачова – Варона з «Афрыкі», Валянціна Багданава – Каза з казкі «Як воўк мамай быў», Ілля Блыкін – Цвыркун з казкі «Залаты ключык», уладальнік медаля Францыска Скарыны Юрась Цвірка – Еўдакія са спектакля «Пёс Белага вострава», Дар’я Французава – Жаклін са спектакля «О-ля-ля», Аляксей Анісеня – Машанька з «Мудрацоў…», Алёна Чыстабаева – пані Проціч з «Доктара філасофіі». А напрыканцы выйшаў Міхаіл Асанаў, які ўвесь вечар прызнаваўся Ніне Обухавай у каханні ў вобразе Дэвід са спектакля «Самая жаданая». Напрыканцы творчага вечара Ніна Обухава выказала шчырыя словы прызнання ў любові да тэатра, родных ёй коласаўцаў і гледачоў, якія кожны раз натхняюць да новага выхаду на сцэну.

99-ы тэатральны сезон набірае тэмп, хутка чакаюць прэм’еры, але мы не забываемся і пра тыя цудоўныя падзеі, якія былі напачатку. У першую чаргу – пра знакавыя даты нашых артыстаў. Усё, што важна для іх, – важна і для Коласаўскага тэатра, у якім, побач з якім, разам з якім праходзіць жыццё кожнага акцёра. 22 верасня адзначыў 65-годдзе Генадзь Гайдук, вядучы майстар сцэны, уладальнік медаля Францыска Скарыны. Пасля паказу спектакля «Дзеці. Вёрсты», дзе Генадзь Іосіфавіч сыграў адну з галоўных роляў Станцыйнага наглядчыка, адбылося ўрачыстае віншаванне. Ад імя гарадскіх улад юбіляра павіншавала начальнік аддзела культуры Віцебскага гарвыканкама Наталля Шыянок і ўручыла яму Падзяку старшыні Ві

Вядучы майстар сцэны, уладальнік медаля Францыска Скарыны Пятро Ламан і вядучы рэдактар Коласаўскага тэатра Алесь Замкоўскі ў перадачы "Вечерний Витебск"