Предыдущая публикация
СВАЙМУ РОДНАМУ КРАЮ ПЯЮ Я ПЕСНЮ
17 ліпеня ў Краснапольскім РЦК адбылося ўрачыстае мерапрыемства з нагоды 100-годдзя ўтварэння Краснапольскага раёна.
У ходзе мерапрыемства адбылося ўзнагароджванне калектываў-юбіляраў.
У сферы культуры былі ушанаваны 35-гадовыя юбіляры - народны фальклорны ансамбль “Горскія харашухі” (кіраўнік ансамбля Марчанка В. А.) Горскага СДК. І народны клуб ветэранаў “Дабрыня” (кіраўнік Вараб’ёва Л. В.) Краснапольскага РЦК. Калектывы атрымалі Падзячныя лісты Краснапольскага раённага выканаўчага камітэту за значны ўнёсак у захаванне і развіццё культуры раёна.
Падзячныя лісты атрымалі і 30-гадовыя юбіляры - народны ансамбль народнай песні “Шчадрэц” (кіраўнік Трафімава А. А.) Краснапольскага РЦК і ансамбль народнай песні “Спадчына” (кіраўнік Каратцова Л. Я.) Пачапоўскага СДК.
Дзейнасць усіх гэтых калектываў сапраўды значная. Праз іх творчасць захоўваюцца і папулярызуюцца лепшыя ўзоры традыцыйнай культуры, народнай спадчыны, ствараецца станоўчы імідж сферы культуры і раёна.
Калектывы якасна і творча прадстаўляюць раён у самых розных культурных падзеях вобласці, рэспублікі і замежжа.
Заходзьце на старонку групы “Краснапольскі РЦК” на сайце “Аднакласнікі” – там вы зможаце знайсці шмат цікавага аб жыцці гэтых калектываў і аб культурных падзеях ДУК “ЦКС Краснапольскага раёна”.
ВАЛЯНЦІНА МАРЧАНКА
Следующая публикация
Комментарии 3