Предыдущая публикация
Амаль 50 год за рулём аўтамабіля адпрацаваў жыхар аграгарадка Радзюкі Франц Пачкоўскі
Нарадзіўся мужчына ў вёсцы Рабяртова, якой ужо няма на карце раёна. Як і многія прадстаўнікі пакалення 1960-х гадоў, пасля заканчэння Дулінскай БШ атрымаў вадзіцельскае пасведчанне ў аўтамабільнай школе. Перад тэрміновай службай у арміі некаторы час працаваў у саўгасе імя Маркава. Пасля дэмабілізацыі непрацяглы тэрмін жыў у Калінінградскай вобласці, але душа і сэрца настальгічна клікалі Франца ў родныя мясціны, куды ён і вярнуўся ў 1973 годзе. Тут, на малой радзіме, мужчына працаваў вадзіцелем ў перасоўнай механізаванай калоне № 51, у раённай нарыхтоўчай інспекцыі, а з 1986 года і да выхаду на заслужаны адпачынак — ва ўпраўленні па сельскай гаспадарцы і харчаванні райвыканкама.
— Шмат кіламетраў грунтовых і, у асноўным, палявых дарог давялося праехаць за час працы ў райсельгасхарчы, — успамінае Франц. — Аўтапарк райвыканкама налічваў вялікую колькасць аўтамашын. Асабіста за мной былі замацаваны тры адзінкі. Трэба было не толькі аператыўна ажыццяўляць падвоз людзей, але і падтрымліваць аўтамабілі ў спраўным стане.
З нагоды 75-годдзя Франца Пачкоўскага павіншаваў намеснік старшыні райвыканкама, дэпутат раённага Савета дэпутатаў Юрый Васілеўскі. За шматгадовую добрасумленную працу па тэхнічным абслугоўванні і забеспячэнні дзейнасці райвыканкама, актыўную жыццёвую пазіцыю па даручэнні кіраўніка раёна Дзмітрыя Ламака ён уручыў юбіляру Падзяку старшыні райвыканкама.
Да віншаванняў у адрас ветэрана працы далучылася старшыня раённага Савета ветэранаў Ірына Міхалёнак.
Сяргей РАЙЧОНАК, фота аўтара.
Следующая публикация
Комментарии 1
" Амаль " 50 лет за рулем -- это
48 - 49 лет. Если мой уважаемый односельчанин стал водителем в 20 лет, он ушел на заслуженный отдых в 60 лет, а не в 63 года. 40 лет трудовой деятельности и " Амаль" 50,как пишет корреспондент, большая разница. Зачем преувеличивать? Францу Пачковскому здоровья и долголетия!