Залівісты школьны званок зноў паклікаў вучняў за парты — пачаўся чарговы навучальны год.
Сёлета ўрачыстыя лінейкі прайшлі ў панядзелак, 2 верасня. 1163 хлопчыкі і дзяўчынкі пераступілі парог сваіх школ, каб сустрэцца з любімымі настаўнікамі, аднакласнікамі, атрымаць трывалыя веды.
Гасцінна расчыніла свае дзверы сярэдняя школа № 1 гарадскога пасёлка. Сёлета тут навучаецца 573 хлопчыкі і дзяўчынкі. Упершыню за парты селі 47 першакласнікаў.
Удзельнікаў школьнай лінейкі вітала кіраўнік навучальнай установы Ірына Рымдзёнак, якая ўручыла лепшым вучням па выніках мінулага навучальнага года пахвальныя лісты і граматы.
Павіншаваць хлопчыкаў і дзяўчынак з пачаткам новага навучальнага года прыйшоў кіраўнік раёна Дзмітрый Ламака. Ён пажадаў вучням паспяховай вучобы, а педагогам — цярпення, вытрымкі і здароўя. Старшыня райвыканкама разам з запрошанымі гасцямі ўручыў першакласнікам выданне «Беларусь — наша Радзіма. Падарунак Прэзідэнта Рэспублікі Беларусь А. Р. Лукашэнкі».
У новым навучальным годзе тэма першага ўрока — «Нам ёсць чым ганарыцца, нам ёсць што берагчы!». У Год якасці і 80-годдзя вызвалення Беларусі ад нямецка-фашысцкіх захопнікаў гутарка ішла аб дасягненнях беларускага народа, якімі ганарыцца краіна, аб тых каштоўнасцях, якія важна зберагчы ў імя будучых пакаленняў.
На працягу года побач з навучальнай установай ішло будаўніцтва шматфункцыянальнай спартыўнай пляцоўкі. Напрыканцы жніўня будаўнічыя работы закончыліся. Пасля ўрачыстай лінейкі старшыня райвыканкама Дзмітрый Ламака і дырэктар СШ № 1 Ірына Рымдзёнак перарэзалі чырвоную стужку на цэнтральным уваходзе на новы спартыўны аб’ект. На пляцоўцы пачалі праводзіць заняткі па фізічнай культуры юныя шаркаўчане.
Присоединяйтесь к ОК, чтобы подписаться на группу и комментировать публикации.
Комментарии 1