"Изге Мирас"

ИСЛАМ НИГЕЗЛӘРЕН БЕЛӘСЕҢМЕ? «Динебезнең нигезләрен беләсезме?» – дип сорасаң, кайчакта кардәшләребез я  югалып калалар, я берничәсен генә атый алалар. Шуңа күрә тагын бер кат искә төшереп үтүнең зыяны булмас. Ислам нигезләрен белү әйбәт, ә аны тормышка ашыру катлаулырак, чөнки аның өчен ихтыяр көче таләп ителә. Динебез нигезләре буенча яшәргә омтылмаганга, алар хәтердә сакланмый, тиз онытыла. 1⃣ Шәһәдәт кәлимәсе. Пәйгамбәребез ﷺ: «Ислам дине биш терәккә нигезләнә: «Ләә иләhә иллә Ллаһ, Мөхәммәд расүлү Ллаһ, ягъни Аллаһтан башка гыйбадәткә лаеклы һичбер иләһ юк, Мөхәммәд – Аның Илчесе» дип шәһәдәт бирү, намаз уку, зәкәт түләү, хаҗ кылу, Рамазан аенда ураза тоту», – дип безгә әйтеп калдырган 📚(Бухари риваяте). Бу хәдис Ислам диненең биш баганасында беренче нигезнең шәһәдәт булуына дәлил.  Ягъни, Аллаһының барлыгын, берлеген һәм Аны гына хакыйкый иләһ дип тану, Аңа гына гыйбадәт кылу, Аннан кала иләһләр юклыгына инану. Шәһәдәтнең икенче өлешендә пәйгамбәребез Мөхәммәднең ﷺ Аллаһ илчесе һәм соңгы пәйгамбәр булуын тану. Ул күрсәтеп, өйрәтеп калдырганча гына Аллаһыга табынам дип шәһәдәт бирү. 2⃣ Намаз уку. Шәһәдәт биргәч, бөтен шарт һәм кагыйдәләрен үтәп, даими рәвештә, үз вакытында, көненә биш намаз укырга бурычлы  булабыз. Монысы – Ислам диненең иң мөһим гыйбадәтләреннән берсе һәм, шулай ук, бу – Аллаһы Тәгаләгә рәхмәтле булуыбызны белдерү. Намаз мөселманның күңеленә уңышлар китерсен, җирәнгеч нәрсәләрдән читләштерсен өчен дә кирәк. Аллаһы тәгалә әйткән: «... намаз укы! Дөреслектә, намаз фәхеш һәм яман эшләрдән тыя». 📚(«Ганкәбут» сүрәсе,  45нче аять). Моннан тыш, намаз мөселманны башкалардан аерып торган билге дә. 3⃣ Өченче багана – зәкәт түләү. Ягъни, кешенең байлыгы билгеле бер күләмдә булып (нисабка тулса), бер ел үткәннән соң шул малы кимемәсә, ул шуның 2,5 процентын мохтаҗларга садака итеп бирергә тиеш. Мөэминнәрне тасвирлап, Аллаһ Тәгалә әйткән: «... алар зәкәт түлиләр...» 📚(«Мөэминнәр» сүрәсе, 4нче аять); «... аларның байлыгыннан – сораучы һәм мәхрүм өчен мәгълүм өлеш чыгарылган» 📚(«Мәгариҗ» сүрәсе, 24нче аять). Шулай итеп, зәкәт – матди чыгым таләп иткән, иҗтимагый гаделлекне саклаган, хәерчелек белән көрәшергә һәм юмартлык булдырырга ярдәм итә торган гыйбадәт. 4⃣ Рамазан аенда ураза тоту. Иртәнге намаз керү вакыты белән ашау-эчүдән туктап, кояш батканчыга хәтле тукланудан һәм, шулай ук, яман уйлардан, начар эшләрдән тыелып тору ураза тоту була.  Ураза һиҗрәтнең икенче елында түбәндәге аятьләр иңгәннән соң фарыз кылына: «Рамазан аенда кешеләргә һидәят булган, шул һидәятне аңлата һәм аера торган Коръән иңде. Рамазанга ирешкән һәрберегез ураза тотсын...» 📚(«Бәкара» сүрәсе, 185нче аять) Гыйбадәтнең әлеге төре рухны сафландыра, тәнне сәламәтләндерә, гөнаһларны гафу итә, нәфесне тәрбияли, сабыр булырга өйрәтә һәм, иң мөһиме, Җәннәткә керергә булыша. Аллаһның илчесе: «Кем дә кем Аллаһының бирәчәк әҗеренә ышанып һәм өмет белән Рамазан аенда ураза тотса, аның элекке гөнаһлары гафу ителә», – дип әйткән 📚(Бухари риваяте). 5⃣ Хаҗ кылу. Хаҗ – Аллаһның илчесе аңлаткан билгеле бер йолаларны үтәү өчен Мәккә шәһәренә бару. Гыйбадәтнең бу төре матди чыгым һәм физик тырышлык таләп итә. Аерым бер кешегә дә, җәмгыятькә дә зур файда китерә. Моннан тыш, хаҗ – мөселманнарның зур җыелышы, башка ил мөселманнары белән аралашу форсаты. Үзебезне мөселманга санасак, динебезнең шушы иң мөһим биш баганасын үтәргә  тырышыйк. Әгәр бу дөньяда бәхет-сәгадәткә ирешәсебез һәм ахирәттә Җәннәтле буласыбыз килсә, моңа салкын карарга ярамый. Раил Фәйзрахманов

Аллаһы безне ярата, ә без Аны яратабызмы? Аллаһы һәр беребезне ничек бар, шулай яратудан тыш, безне ерактан гына яратып, тынычлыкта калдырырга җыенмый. Әгәр без хак дин юлында булсак, Ул безне бик нык ярата, хәтта бездә яши һәм безнең йөрәгебездән йорт төзи. Әммә бының өчен безгә көн саен, йөрәгебезне тазалыкта тоту таләп ителә. Гыйбадәт кылу, Изге Язманы уку, вәгазьләр тыңлау һәм башка динебезгә туры килгән яхшы эшләр башкару, йөрәгебезне тазалыкта тоту була да инде. Аллаһы безнең йөрәкләрнең Үз йөрәге кебек булуын тели. Безгә шуны аңларга кирәк, Гайсә Мәсих дөньядагы кемнеңдер үз тормышын уңайлы итеп кору өчен килмәгән, ә ни бары безне, бу дөньяга ия булырга тырышкан иблис коллыгыннан коткару өчен килгән. Аның нияте безне Мәңгелек Тормышка, Күкләр Патшалыгына алу. Әлеге көндә, тик шунысы бик кызганыч. Әгәр Гайсә Мәсих бүген тагын дөньяга килгән булса, бик күпләр Аны тиз арада кире хачка кадаклап куерлар иде. Ник мин алай уйлыйм? Чөнки Ул кешеләргә үз ихтыяры белән яшәргә камасаулый... Алланы кабул итеп, Ул кушканча яшәр өчен бит, аракы эчүне, тәмәке тартуны, зина кылуны, сүгенүне, никахка кадәр җенси бәйләнештә булуны, абортлар ясатуны, никахсыз тормышта яшәүне, кеше талауны һәм башка гөнаһлы эшләрне ташларга тура киләчәк. Ә инде әгәр сез, гөнаһсыз рәхәтләнеп яшәп булмый дип уйлыйсыз икән, димәк сезнең акылыгыз гөнаһ белән агуланган. Мин иманлы тормыш көтә башлагач, тормошомда үземнең тырышлыгым белән барлыкка килгән бер фатиха да юк икәнлеген аңладым. Бүген миндә булган бөтен нәрсәне, Раббы Аллаһым миңа Үзе бирде. Шуңа күрә минем тормышымда Аллаһы миңа җиңеп чыгырга ярдәм итмәгән бер проблемам да юк. Мин аларны Мәсих аркылы җиңеп чыгам. Алланың Нун улы Ешуага әйткән сүзләрен, минем үземә бирелгән боерык дип кабул итәм. Аллаһы миңа болай ди: «Шулай итеп, Мин сиңа, нык һәм кыю йөрәкле бул, дип боерамын, курыкма һәм рухыңны төшермә, чөнки Раббы Аллаң, кайда гына барсаң да, синең юлдашыңдыр». Изге Язма Ешуа 1:9. Тагын шунысы кызганыч, бу заман кешесе хәзинә артыннан куырга ярата. Әгәр хәзинә туплау изге тормышыбыз нигезенең максаты булган булса, бер бәхәссез Раббы Гайсә аңа ынтылыр иде. Әммә Ул моны эшләми, аның урынына азга игелекле булуны хуп күрә һәм Үз шәкертләрен Аның өлгесенә эйәрергә өйрәтә. Чөнки Ул аңлый: «Раббыга сыенган хәлдә азга шөкер кылып яшәү зур хәзинә иясенең кайгы-шөбһә тулы тормышыннан яхшырак». Гыйбрәтле сүзләр 15:16. Безнең һәр беребезгә, монда хәзинә турында борчылган бердәнбер Раббы шәкерте Яһүдәне истә тотарга кирәк. Чөнки аның тормошо бик кызганыч. Гайсә Мәсих безне ярата һәм безне барлык гөнаһларыбыздан арындырып гафу итә. Ә без, гафу итә беләбезме соң? Әгәр без якыннарыбызны гафу итә алмыйбыз икән, безнең аларны яратырга да сәләтебез юк. «Әгәр туганыгызны ихлас күңелдән кичермәсәгез, Күктәге Атам да сезнең белән шулай эшләячәк». Инҗил Маттай 18:35 Безгә башкаларны кичерү хас түгел икән, без үзебезне иманлы кеше дип тоя алмыйбыз. Чөнки хак иманлы кеше генә, якынын гафу итә ала. Колагыгыз бар икән ишетергә тырышыгыз. Һәр беребез Мәсихне кире кагып, үзенең хыялый донъясында яшәргә мөмкин. Әмма Раббы Гайсә галәмне хөкем итәргә килгәч, без Аның каршында басачакбыз һәм ул чакта инде ялвару, зарлану һәм гафу үтенү, күз яшьләре түгеп, Мәңгелек Хак һәм Изге Патшаның аягына егылу, соң булачак. Иманлы, гафу итүчән, якынын яратучы, хак мәсихче булу - ул дини йолаларны булдыру түгел, ә бөтен тормыш мәшәкатьләрен калдырып Мәсихкә иярү. Аллаһы безне ярата икән, бездә Аны яратыйк. Шуңа күрә Алла биргән мөхәббәткә күмелеп, тулы мәңгелек гомер юлын сайлыйк. Фатихалы имин тормыш сезгә!

25 Советов на Рамадан, Золотые слова!

Surah Al-Mulk | Official Video by Ridjaal Ahmed