Эй Ҳусейн, эй куштаи дину намоз
Бандаи поки Худои бениёз
Эй Ҳусейн, эй сарви озоди ҷаҳон
Ёвари мазлуму душман бо бадон
Эй Ҳусейн, эй нури чашми Мустафо
Баҳри Қуръон кардаӣ ҷонро фидо
Ҳастӣ фарзанди Алии Муртазо
Дар ҳама ҳол аз Худо будӣ ризо
Модарат Фотимаи Заҳро бувад
Аз тамоми бонувон боло бувад
Бо Ҳасан, эй зодаи некусиришт
Сарвари аҳли ҷавонони биҳишт
Вориси шоистаи Пайғамбаред
Муъминонро ифтихору раҳбаред
Золимон гуфтанд: Шав қурбони мо
Бо итоат доим аз фармони мо
Дасти рад бар синаи онон задӣ
То намирад дину роҳи Аҳмадӣ
Хостӣ то дини ҳақ ёрӣ кунӣ
Бо тамоми ҳастият коре кунӣ
Аз Мадина сӯи Макка раҳсипор
Такягоҳи ту фақат Парвардигор
Номаҳои бешумори кӯфиён
Сӯи ту омад ба пинҳону аён
Номаи Муслим нишон аз аҳдашон
Дошту безорӣ зи дасти золимон
Хонаи амни ҷаҳон ноамн шуд
Қасди Кӯфа зодаи Заҳро намуд
Рафт ин бор бо зану фарзанди худ
Бовафо ёрону аз пайванди худ
Золимон дар рӯ ба рӯяш бо сипоҳ
Дар замини Карбало бастанд роҳ
Рӯи меҳмони азиз бастанд об
То бисӯзад пораи қалби Рубоб
Асғари лабташнаи симинтанаш
Шуд гувоҳи кинаҳои душманаш
Одамони бехудову бевафо
Рӯзи Ошуро ба дашти Карбало
Сар буриданд аз Ҳусейн ибни Алӣ
Он ки Пайғамбар намуд ӯро валӣ
Карда сарҳои шаҳидони Худо
Рӯи найза аз баданҳошон ҷудо
Зайнабу аҳли ҳарам гашта асир
Ҳамраҳи Саҷҷоду доғи беназир
Ҷон фидо карданд баҳри дини ҳақ
То саломат монад ин оини ҳақ
Эй Ҳусейн ибни Алӣ, бар ту салом
Бар Аливу аҳлу асҳобат мудом
Эй шаҳидони Худо, пояндаед
То абад дар дидаву дил зиндаед
Мустафоро дину роҳаш бартар аст
Душманӣ бо Кавсари ӯ бе бар аст
Имом Ҳусейн ибн Алӣ сарвари ҷавонони аҳли биҳишт ва гули хушбӯи Паёмбари Акрамро рӯзи даҳуми моҳи муҳаррами соли 61 ҳ.қ. Танҳо 50 сол пас аз реҳлати ҷонсӯзи Расули Худо ҳазрати Муҳаммади Мустафо (Салому салавоти Худо бар ишон ва хонадонаш бод) бо лаби ташна дар канори руди Фурот ҳамроҳи ёрони бовафояш сар буриданд ва хушҳолӣ ва эҳсоси пирӯзӣ карданд, вале ...
Салом бар имом Ҳусейн ва бар Алӣ ибни Ҳусейн ва бар авлоди Ҳусейн ва бар асҳоби Ҳусейн ва пайравони Ҳусейн бод!
Присоединяйтесь к ОК, чтобы подписаться на группу и комментировать публикации.
Нет комментариев