Ин лыпӑт тыӆӑщ хәс ӆапӑтмит хӑтӆӑн Ёмвошн Ас-угорской научной институт хуща йиӆуп киника ванӆтӑты вєр ӆэщӑтман вәс. Тӑта ӑкмум хӑннєхуятӑт нумӑс тӑйсӑт па тӑм вән хӑншум нєпек оӆӑӊӑн путӑртсӑт. Конда мўвӑӊ вухаӆь ясӊӑт я̆мсыева ия̆ха ӑктӑс па еӆӆы словарь нєпека хӑншӑс Ас-угорской институтн научной сотрудника рәпитум вухаӆь шәӊӑт ими Татьяна Дмитриевна Слинкина.
Щӑта рәпитты нєӊӊӑн Людмила Панченко па Мария Кумаева тӑм киника оӆӑӊӑн путӑртсӑӊӑн муй щирн Т.Д. Слинкина рәпитӑс па тӑм словарь ӆэщӑтӑс. Мойӊ ёх, рәт ёхӆаӆ, ия̆ха рәпитум хуятӑт ӆўв оӆнӑӆн нәмӑӆмӑсӑт па я̆м ясӊӑт лупсӑт, муй щирн ӆўв вухаӆь Конда ёхн хўвн юрємум ясӊӑт-путрӑт ӑктӑс па тӑм нєпек лэщӑтӑс.
Татьяна Слинкина Хошлог кәрт Сўмӑтвош район хуща сєма питӑс па єнмӑс. Ӆўв хӑншум научной нєпекӆаӆ унтасн, вухаӆь рәт ясӊӑӆа па культураеӆа еӆӆы вәӆты-хоӆты щира мӑсӆэ. Рәт мирӆ ясӊӑт па рәпатайӆ сӑмн па нумсӑтн хӑщӆӑт, еӆӆы тӑм пӑнтӑт хўват шәшты пӑта, ӆўӊӑтты вєрӑӊ хуятӑтн уша вєрты щира хӑщӆӑт.
Материал на сайте https://khanty-yasang.ru/khanty-yasang/no-14-3650/18750 #ХантыМансиМир #ХантыЯсанг #статьиОРНГ #ТекстНаХантыйском
Присоединяйтесь к ОК, чтобы подписаться на группу и комментировать публикации.
Нет комментариев