Предыдущая публикация
Сөйлә миңа...
Сөйлә ни булса да,
Риза ишетергә барын да.
Тавышларың, җанда яңгырый күк,
Туктый күрмә, сөйлә тагын да..
Ачуланып бәлки сөйләрсеңдер,
Сөелмәгән еллар хакында.
Юк, сөюдән сине туктамадым,
Булмасам да синең яныңда..
Сөйлә барын..Ишетергә әзер..
Сорыйм, сөйлә берәү белмәгән,
Гомер буе йөрәгеңдә саклап,
Торган сүзең, җаның телгәләп...
Үзгәртергә барын, бәлки соңдыр,
Еллар элгән бикне мин ачам.
-Үтте..- дисең..Беләм үтмәгәнен..
Күңелдә ут сүнми беркайчан..
Сөйлә әйдә..Кире кайтмаса да,
Без теләгән хыял очынып.
Һәр сүзеңдә синең тояр идем,
Күзләреңнең назлы очкынын..
Сөйлә миңа.Сөйлә ни булса да,
Йөргеңнән алып, барсын да.
Кипкән җанга авазыңны салып,
Мин тоярмын сине каршымда.
Рамзис Мишәр.
Следующая публикация
Нет комментариев