У нашай вандроўцы мы засяродзімся на пытанні, што такое сапраўдны мір, чаму людзям не так проста яго адшукаць, чаму ён такі важны для нашай душы і як мы можам да яго наблізіцца? Чаму Маці Божая у сваіх аб'яўленнях увесь час заклікае да малітвы сэрцам і як занурыцца ў такую малітву?
Мы адкрыем для сябе гісторыі святых, якія пры розных жыццёвых абставінах былі носьбітамі Божага супакою (св. Казімір, св. Тэрэза з Ліз'ё, св. Андрэй Баболя). Мы даведаемся пра дзейнасць місіянераў Святой Сям'і і харызмы ордэна (Лагойск). Мы наведаем цудоўныя святыні ў Плешчаніцах (касцёл св. Ганны) і Празароках (касцёл Унебаўзяцця НПМ).
Пасля смачнага абеду ў Полацку, мы прагуляемся па гораду, знойдзем геаграфічны цэнтр Еўропы, пабываем каля Спаса-Ефрасін'еўскага манастыра і Сафійскага сабору, наведаем адзіны ў горадзе касцёл - касцёл св. Андрэя Баболі - і даведаемся, чаму менавіта такі тытул носіць гэты касцёл? Пагаворым таксама пра важную ролю Полацка ў распаўсюджванні Валадарства Божага ў старажытныя часы.
У Глыбокім мы пабываем на месцы былога кармэліцкага кляштара і велічнага касцёла Унебаўзяцця НПМ, даведаемся пра блаславёныя і складаныя часы двух каталіцкіх парафій Глыбокага, сфатаграфуемся ля помніка "Езус і самаранка", а потым завяршым нашае падарожжа ў касцёле Святой Троіцы, дзе знаходзіцца мясцовы цудадзейны абраз Маці Божай Снежнай (Падхорнай). Кульмінацыяй нашага заглыблення ў тэму міру стане Святая Імша і Адарацыя з разважаннямі і спевамі. То бок у Глыбокім заплывем на чарговую глыбіню нашага духоўнага жыцця! Памолімся таксама за мір ва ўсім свеце, чаго просіць ад нас увесь час Багародзіца.
Кошт паездкі 75 руб/чал (з абедам).
Выезд з Мінску а 7:30 са ст.м. Усход (выхад на стаянку ля ТЦ Дана Мол)
Запісацца ў пілігрымку можна па тэлефонах:
+375 29 124 93 21
+375 29 754 64 11
+375 25 96 94 293
Присоединяйтесь к ОК, чтобы подписаться на группу и комментировать публикации.
Нет комментариев