ისეთ ჩახუტებას გაუმარჯოს, მთელი ცხოვრება რომ განიცდიან,
ისეთ მოფერებას გაუმარჯოს, თმებს რომ მოკრძალებით გაიშლიან,
ისეთ სასოებას გაუმარჯოს, მთელი ცხოვრება რომ დაიცდიან.
ისეთ შეხვედრასაც გაუმარჯოს, როცა მერე არსად არ მიდიან,
ისეთ შეყვარებას გაუმარჯოს, ყველა რომ უშლის და არ იშლიან,
ისეთ სათნოებას გაუმარჯოს, რასაც უგულონი დასცინიან,
ისეთ მოწყალებას გაუმარჯოს თავის თავთანაც რომ არ იტყვიან.
ისეთ გაჭირვებას გაუმარჯოს, ხელს რომ არავისკენ გაიწვდიან,
ისეთ შეუღლებას გაუმარჯოს, როცა განსაცდელში არ ყვირიან,
ისეთ მეგობრობას გაუმარჯოს, როცა დახმარებას არ ითვლიან,
ისეთ მიცვალებულს გაუმარჯოს, ვისაც სიმბოლურად არ ტირიან.
ისეთ გამარჯვებას გაუმარჯოს, თოფს რომ არავისკენ არ ისვრიან,
ისეთ მოთმინებას გაუმარჯოს როცა ჭირვარამში არ ჩივიან,
ისეთ საქართველოს გაუმარჯოს, როცა მტრები ჩვენს წინ ჩაისვრიან,
ისეთ წირვა-ლოცვას გაუმარჯოს, ჟამნი სიამით რომ ჩაივლიან.
Присоединяйтесь к ОК, чтобы подписаться на группу и комментировать публикации.
Комментарии 12