Предыдущая публикация
Эч болтурбай сүйүүбүздө кемчилик,
Жашообузда бирге куруп теңчилик.
Даниярдай кеттик десем мен менен,
Кетээр белең Жамиладай ээрчишип?
Кыйналбаган ак сүйүүдөн жан барбы,
Олжобайдан курман болсом армандуу
Кишимжандай калбаймын деп чыркырап,
Жүрөгүңө саяр белең канжарды?
Жалгыз гана жаратканга жалына,
Раймаалымын бүт айланам жалын да.
Бегимайдай таза сактап сүйүүнү,
Түшөөр белең мени менен жалынга?
Чечилбеген сүйүү сырын чечейин,
Бир сен үчүн баардыгынан кечейин.
Бул сөзүмө макул болсоң татынам,
Махабаттын дайрасын да кечейиң.
Айганыштай алыс жакта болсоң да,
Курманбектей Үргөнч суусун кечейин.
Автор: Жыргалбек Усенов 14.07.2024
17:34 Москва
Присоединяйтесь к ОК, чтобы подписаться на группу и комментировать публикации.
Комментарии 8