Предыдущая публикация
Сакла, зинһар, Ходай, балаларны.
Аралачы кайгы-бәладан.
Сынауларны кабул итеп алам.
Хәсрәт бирмә, зинһар, баладан.
Кичер, зинһар, хата һәм гөнаһын,
Уйламыйча кылган ялгышын.
Бер Ходаем, синнән генә сорыйм –
Авыр итмә балам язмышын.
Рәхимеңнән ташлама баламны,
Мәрхәмәт сал тормыш юлында.
Ниләр сорасам да, барысы да,
Бер Ходаем, синең кулыңда.
Физәлия Дәүләтгәрәева
Следующая публикация
Комментарии 11