Предыдущая публикация
Үзебез, балабыз, малыбыз...
Аллаһы кулында көнебез,
Төнебез, һәр туар таңыбыз.
Аллаһым кулында гомерләр
Килүләр, китүләр...
Тик аңа билгеле язмышлар,
Гомерне кем, ничек кичүләр...
Аллаһым теләсә - без кавем,
Теләсә - тузандай очарбыз...
Насыйбын әйләсә -
Җиһанны кочарбыз.
Аллаһым кулында җиребез,
Кәгазьдәй бөтерер теләсә...
Тик аның әмере- кояш бар,
Ай, йолдызлар, җил исә...
Бар таулар, диңгезләр, океан
Давылы, яшене, болыты...
Без Аллаһ кулында! Ий, кешем,
Без шуны онытмыйк!
Альфира Низамова
Присоединяйтесь к ОК, чтобы подписаться на группу и комментировать публикации.
Комментарии 10