Предыдущая публикация
Элекләрне көтеп ала идек
Ел да шулай - печән өсләрен.
Әллә халкы, әллә авылымы,
Заманамы әллә нишләде?
Авыл халкы өчен мал тотулар
Булган элек олы мәртәбә.
Дилбегәсен гүя ныклап тоткан
Ни буласын белеп иртәгә.
Җәй уртасы... чалгы алып кулга
Бик йөрмиләр печән чабарга.
Урман эчләрендә печәнлекне
Басып киткән әрсез абага.
Тугай, болыннарда биек үлән -
Кемгә кирәк?! Кала чабылмый.
Үткәннәрне сагынып күңел генә -
"Элек булса", - сүзен кабатлый.
Элек булса... печән вакытына
Кайтыр иде туган-тумача.
Печән чабып, күбәләгә куеп
Узар иде вакыт таңгача.
Яңа сауган парлы сөт исләре
Һавалар торды таңнарда.
Урамнарга "күчтәнәчләр" салып
Көтү китәр иде тауларга.
Бәбкәләрен барлап каз-үрдәкләр
Китәр иде иртүк елгага.
Бәйләм бәйли анда әби-чәби -
Бәби саклар иде алар да...
Авылларның шундый чагы калган
"Элек" дигән үткән чорларда.
Бик юксынып сагынсак та хәзер
Мөмкин түгел кире чорнарга.
Фәнзия Әхмәтшина. Дүсем.
Следующая публикация
Комментарии 18
Андый чакларда доньялар -
Бик мэртэбеле булган шул.