Предыдущая публикация
Догам сезнең өчен, балаларым,
Бар бәладән Аллаһ сакласын.
Кайгы, сагышлардан араласын,
Чир какмасын гомер капкасын.
Догам сезнең өчен, якыннарым,
Барыгызны Аллаһ сакласын.
Дошманнардан җанны сындыртмасын,
Ялган, ялалардан якласын.
Догам сезнең өчен, дошманнарым,
Аллаһ сезгә акыл җибәрсен,
Үчләшү зарарын аңлатырдай
Юлдашка чыгарсын берәрсен.
Догам белән миһырбанлык телим,
Имин булсын йөргән юлыбыз.
Мин Аллаһтан сезгә саулык сорыйм,
Сез дә миңа дога кылыгыз.
Венер Фәттәхов
Присоединяйтесь к ОК, чтобы подписаться на группу и комментировать публикации.
Комментарии 40