Предыдущая публикация
И бәһале, и кадерле, и гөнаһсыз яшь бала!
Рәхмәте бик киң аның, һәрдәм таян син Аллаһка!
Йа Раббым, күрсәт, диген, ошбу җиһанда якты юл;
Ул - рәхимле; әткәң - әнкәңнән дә күп шәфкатьле ул!
Саф әле күңлең синең, һичбер бозык уй кермәгән,
Пакъ телең дә - һич яраусыз сүзләр әйтеп күрмәгән.
Пакъ җаның һәм пакъ тәнең – барлык вөҗүдең пакъ синең:
Син фәрештә валчыгысың, йөзләрең ап – ак синең!
Кыйл дога, ихлас белән тезлән дә кыйбла каршына.
Бел аны: керсез күңелдән тугъры юл бар гаршенә!
И бәһале, и кадерле, и гөнаһсыз яшь бала!
Рәхмәте бик киң аның, һәрдәм таян син Аллаһка!
Присоединяйтесь к ОК, чтобы подписаться на группу и комментировать публикации.
Нет комментариев