ХАЗОНИ ИШҚ...
______
______
Агарчӣ гашт умри ман хазони ишқи ту, ҷоно,
Вале ширин бувад сӯзи ниҳони ишқи ту, ҷоно!
Чунон ҳастам гиртфторат,ки ақлу нақли ман оҷиз,
Зи таърифу зи тафсиру баёни ишқи ту, ҷоно!
Аз он рӯзе,ки дидам ҳусни ту, ошиқ шудам бар ту,
Ҷаҳонамро дигар карда ҷаҳони ишқи ту, ҷоно!
На ҳастӣ дар канорам, на ҳамехоҳӣ канори ман,
Вале ҳастам муқими остони ишқи ту, ҷоно!
Ман инҷо гарчӣ чун хору хасам андар нигоҳи ту,
Хаёлам пар занад дар осмони ишқи ту, ҷоно.
Аз он дидори аввал ошиқат ҳам шоират гаштам,
Ки то ҳастам, нависам достони ишқи ту, ҷоно!
Ба нокомӣ бигӯяд Ошиқи Ноком бо афсӯс,
Ки аз дунё равам бо ормони ишқи ту, ҷоно!
Комментарии 3