Предыдущая публикация
Тропа́рь, глас 6-й
А́нгеле Бо́жий, храни́телю мо́й святы́й, живо́т мо́й соблюди́ во стра́се Христа́ Бо́га, у́м мо́й утверди́ во и́стиннем пути́, и к любви́ го́рней уязви́ ду́шу мою́, да тобо́ю направля́ем, получу́ от Христа́ Бо́га ве́лию ми́лость.
Перевод: Ангел Божий, хранитель мой святой, жизнь мою соблюди в благоговении пред Христом Богом, ум мой утверди на истинном пути, и любовью к небесному воспламени душу мою, чтобы тобою направляемый, получил я от Христа Бога великую милость.
Сла́ва Отцу, и Сы́ну, и Свято́му Ду́ху, и ны́не, и при́сно, и во ве́ки веко́в, ами́нь.
Слава Отцу, и Сыну, и Святому Духу, и ныне, и всегда, и во веки веков, аминь.
Богоро́дичен:
Свята́я Влады́чице, Христа́ Бо́га на́шего Ма́ти, я́ко все́х Творца́ недоуме́нно ро́ждшая, моли́ бла́гость Его́ всегда́, со храни́телем мои́м А́нгелом, спасти́ ду́шу мою́, страстьми́ одержи́мую, и оставле́ние грехо́в дарова́ти ми́.
Кано́н, гла́с 8-й
Пе́снь 1
Ирмос: Пои́м Го́сподеви, прове́дшему лю́ди Своя́ сквозе́ Чермно́е мо́ре, я́ко еди́н сла́вно просла́вися.
Воспоем Господу, проведшему народ Свой через Красное море, ибо Он один славно прославился.
Иису́су: Го́споди Иису́се Христе́ Бо́же мо́й, поми́луй мя́.
Господи Иисусе Христе, Боже мой, помилуй меня.
Пе́снь воспе́ти и восхвали́ти, Спа́се, Твоего́ раба́ досто́йно сподо́би, безпло́тному А́нгелу, наста́внику и храни́телю моему́.
Песнь воспеть и возгласить хвалу достойно сподоби Твоего раба, Спаситель, бесплотному Ангелу, наставнику и хранителю моему.
Припе́в: Святы́й А́нгеле Бо́жий, храни́телю мо́й, моли́ Бо́га о мне́.
Святой Ангел Божий, хранитель мой, моли Бога о мне.
Еди́н а́з в неразу́мии и в ле́ности ны́не лежу́, наста́вниче мо́й и храни́телю, не оста́ви мене́, погиба́юща.
Ныне я в неразумии и в лености одиноко лежу; наставник мой и хранитель, не оставь меня, погибающего.
Сла́ва Отцу, и Сы́ну, и Свято́му Ду́ху. У́м мо́й твое́ю моли́твою напра́ви, твори́ти ми́ Бо́жия повеле́ния, да получу́ от Бо́га отда́ние грехо́в, и ненави́дети ми́ злы́х наста́ви мя́, молю́ся ти́.
Ум мой твоею молитвою направь, чтобы исполнял я Божии повеления и получил от Бога прощение грехов, и ненавидеть зло наставь меня, молюсь тебе.
И ны́не, и при́сно, и во ве́ки веко́в, ами́нь. Моли́ся, Деви́це, о мне́, рабе́ Твое́м, ко Благода́телю, со храни́телем мои́м А́нгелом, и наста́ви мя́ твори́ти за́поведи Сы́на Твоего́ и Творца́ моего́.
Молись, Дева, о мне, рабе Твоем, ко Благодетелю вместе с моим Ангелом-хранителем, и наставь меня исполнять заповеди Сына Твоего и Творца моего.
Пе́снь 3
Ирмос: Ты́ еси́ утвержде́ние притека́ющих к Тебе́, Го́споди, Ты́ еси́ све́т омраче́нных, и пое́т Тя́ ду́х мо́й.
Ты – утверждение прибегающих к Тебе, Господи, Ты – свет омраченным, и Тебя воспевает дух мой.
Святы́й А́нгеле Бо́жий, храни́телю мо́й, моли́ Бо́га о мне́.
Все́ помышле́ние мое́ и ду́шу мою́ к тебе́ возложи́х, храни́телю мо́й; ты́ от вся́кия мя́ напа́сти вра́жия изба́ви.
Все помышление мое и душу мою я к тебе устремил, хранитель мой, ты от всякой напасти вражеской меня избавь.
Святы́й А́нгеле Бо́жий, храни́телю мо́й, моли́ Бо́га о мне́.
Вра́г попира́ет мя́, и озлобля́ет, и поуча́ет всегда́ твори́ти своя́ хоте́ния; но ты́, наста́вниче мо́й, не оста́ви мене́ погиба́юща.
Враг попирает меня, и угнетает, и учит всегда исполнять свои желания; но ты, наставник мой, не оставь меня, погибающего.
Сла́ва Отцу, и Сы́ну, и Свято́му Ду́ху. Пе́ти пе́снь со благодаре́нием и усе́рдием Творцу́ и Бо́гу да́ждь ми́, и тебе́, благо́му А́нгелу храни́телю моему́: изба́вителю мо́й, изми́ мя́ от вра́г озлобля́ющих мя́.
Воспевать мне даруй песнь с благодарностью и усердием Творцу и Богу и тебе, благому Ангелу, хранителю моему; избавитель мой, исторгни меня от врагов, угнетающих меня.
И ны́не, и при́сно, и во ве́ки веко́в, ами́нь. Исцели́, Пречи́стая, моя́ многонеду́жныя стру́пы, я́же в души́, прожени́ враги́, и́же при́сно бо́рются со мно́ю.
Исцели, Пречистая, весьма болезненные язвы моей души; прогони врагов, которые постоянно борются со мною.
Седа́лен, гла́с 2-й
От любве́ душе́вныя вопию́ ти́, храни́телю моея́ души́, всесвяты́й мо́й А́нгеле: покры́й мя́ и соблюди́ от лука́ваго ловле́ния всегда́, и к жи́зни наста́ви небе́сней, вразумля́я и просвеща́я и укрепля́я мя́.
От любви душевной взываю тебе, хранитель моей души, всесвятой мой Ангел: защищай и сохраняй меня от коварных уловок всегда, и направь к жизни небесной, вразумляя, и просвещая, и укрепляя меня.
Сла́ва Отцу, и Сы́ну, и Свято́му Ду́ху, и ны́не, и при́сно, и во ве́ки веко́в, ами́нь.
Богоро́дичен
Богоро́дице безневе́стная Пречи́стая, Я́же без се́мени ро́ждши все́х Влады́ку, Того́ со А́нгелом храни́телем мои́м моли́, изба́вити ми́ ся́ вся́каго недоуме́ния, и да́ти умиле́ние и све́т души́ мое́й и согреше́нием очище́ние, Я́же еди́на вско́ре заступа́ющи.
Богородица безбрачная, Пречистая, без семени родившая всех Владыку, Его вместе с Ангелом-хранителем моим моли избавить меня от всякого сомнения и даровать умиление и свет душе моей, и от согрешений очищение, – Ты, одна скоро подающая защиту!
Пе́снь 4
Ирмос: Услы́шах, Го́споди, смотре́ния Твоего́ та́инство, разуме́х дела́ Твоя́, и просла́вих Твое́ Божество́.
Услышал я, Господи, о таинстве Твоего промысла, уразумел дела Твои и прославил Твоё Божество.
Святы́й А́нгеле Бо́жий, храни́телю мо́й, моли́ Бо́га о мне́.
Моли́ Человеколю́бца Бо́га ты́, храни́телю мо́й, и не оста́ви мене́, но при́сно в ми́ре житие́ мое́ соблюди́ и пода́ждь ми́ спасе́ние необори́мое.
Моли человеколюбца Бога, ты, хранитель мой, и не оставь меня, но мирной жизнь мою сохраняй всегда, и подай мне спасение нерушимое.
Святы́й А́нгеле Бо́жий, храни́телю мо́й, моли́ Бо́га о мне́.
Я́ко засту́пника и храни́теля животу́ моему́ прие́м тя́ от Бо́га, А́нгеле, молю́ тя́, святы́й, от вся́ких мя́ бе́д свободи́.
Как заступника и хранителя жизни моей принял я тебя от Бога, Ангел; молю тебя, святой: «От всяких бед меня освободи!»
Сла́ва Отцу, и Сы́ну, и Свято́му Ду́ху. Мою́ скве́рность твое́ю святы́нею очи́сти, храни́телю мо́й, и от ча́сти шу́ия да отлуче́н бу́ду моли́твами твои́ми и прича́стник сла́вы явлю́ся.
Мою скверну твоею святынею очисти, хранитель мой, и от участи стоящих слева да избавлен буду молитвами твоими, и причастником славы явлюсь.
И ны́не, и при́сно, и во ве́ки веко́в, ами́нь. Недоуме́ние предлежи́т ми́ от обыше́дших мя́ зо́л, Пречи́стая, но изба́ви мя́ от ни́х ско́ро: к Тебе́ бо еди́ней прибего́х.
В недоумении я пребываю от окруживших меня бед, Пречистая, но избавь меня от них скоро: ибо к Тебе одной я прибег.
Пе́снь 5
Ирмос: У́тренююще вопие́м Ти́: Го́споди, спаси́ ны́; Ты́ бо еси́ Бо́г на́ш, ра́зве Тебе́ ино́го не ве́мы.
С рассвета возглашаем Тебе, Господи: «Спаси нас, ибо Ты Бог наш, кроме Тебя мы иного не знаем!»
Святы́й А́нгеле Бо́жий, храни́телю мо́й, моли́ Бо́га о мне́.
Я́ко име́я дерзнове́ние к Бо́гу, храни́телю мо́й святы́й, Сего́ умоли́ от оскорбля́ющих мя́ зо́л изба́вити.
Как имеющий дерзновение к Богу, хранитель мой святой, Его умоли от гнетущих зол меня избавить.
Святы́й А́нгеле Бо́жий, храни́телю мо́й, моли́ Бо́га о мне́.
Све́те све́тлый, све́тло просвети́ ду́шу мою́, наста́вниче мо́й и храни́телю, от Бо́га да́нный ми́ А́нгеле.
Свет сияющий, светло просвети душу мою, наставник мой и хранитель, от Бога данный мне Ангел.
Сла́ва Отцу, и Сы́ну, и Свято́му Ду́ху. Спя́ща мя́ зле́ тягото́ю грехо́вною, я́ко бдя́ща сохрани́, А́нгеле Бо́жий, и возста́ви мя́ на славосло́вие моле́нием твои́м.
Спящего злополучно от тяжести грехов, бодрствующим сохрани меня, Ангел Божий, и воздвигни меня на славословие молением Твоим.
И ны́не, и при́сно, и во ве́ки веко́в, ами́нь. Мари́е, Госпоже́ Богоро́дице безневе́стная, наде́ждо ве́рных, вра́жия возноше́ния низложи́, пою́щия же Тя́ возвесели́.
Мария, Госпожа Богородица, брака не познавшая, надежда верных, вражеские возношения низложи, а поющих Тебя возвесели.
Пе́снь 6
Ирмос: Ри́зу ми́ пода́ждь све́тлу, одея́йся све́том я́ко ри́зою, многоми́лостиве Христе́ Бо́же на́ш.
Ризу мне даруй светлую, одевающийся светом как одеждою, многомилостивый Христе Боже наш!
Святы́й А́нгеле Бо́жий, храни́телю мо́й, моли́ Бо́га о мне́.
Вся́ких мя́ напа́стей свободи́, и от печа́лей спаси́, молю́ся ти́, святы́й А́нгеле, да́нный ми́ от Бо́га, храни́телю мо́й до́брый.
От всяких напастей меня освободи и от печалей спаси, молю тебя, святой Ангел, данный мне от Бога, хранитель мой добрый.
Святы́й А́нгеле Бо́жий, храни́телю мо́й, моли́ Бо́га о мне́.
Освети́ у́м мо́й, бла́же, и просвети́ мя́, молю́ся ти́, святы́й А́нгеле, и мы́слити ми́ поле́зная всегда́ наста́ви мя́.
Освети ум мой и просвети меня, благой, молю тебя, святой Ангел, и мыслить о полезном мне всегда наставляй меня.
Сла́ва Отцу, и Сы́ну, и Свято́му Ду́ху. Уста́ви се́рдце мое́ от настоя́щаго мяте́жа, и бде́ти укрепи́ мя́ во благи́х, храни́телю мо́й, и наста́ви мя́ чу́дно к тишине́ живо́тней.
Удержи сердце мое от нынешнего смятения, и бодрствовать в благих делах меня укрепи, хранитель мой, и направь меня дивно к тишине животворной.
И ны́не, и при́сно, и во ве́ки веко́в, ами́нь. Сло́во Бо́жие в Тя́ всели́ся, Богоро́дице, и челове́ком Тя́ показа́ небе́сную ле́ствицу; Тобо́ю бо к на́м Вы́шний соше́л е́сть.
Слово Божие в Тебя вселилось, Богородица, и людям явило Тебя небесной лестницей: ибо Тобою Всевышний сошел к нам.
Конда́к, глас 4
Яви́ся мне́ милосе́рд, святы́й А́нгеле Госпо́день, храни́телю мо́й, и не отлуча́йся от мене́, скве́рнаго, но просвети́ мя́ све́том неприкоснове́нным и сотвори́ мя́ досто́йна Ца́рствия Небе́снаго.
Явись мне милосердным, святой Ангел Господень, хранитель мой, и не отлучайся от меня скверного; но просвети меня светом неприступным и соделай достойным Царства Небесного.
И́кос
Уничиже́нную ду́шу мою́ мно́гими собла́зны, ты́, святы́й предста́телю, неизрече́нныя сла́вы небе́сныя сподо́би, и певе́ц с ли́ки безпло́тных си́л Бо́жиих, поми́луй мя́ и сохрани́, и по́мыслы до́брыми ду́шу мою́ просвети́, да твое́ю сла́вою, А́нгеле мо́й, обогащу́ся, и низложи́ зломы́слящия мне́ враги́, и сотвори́ мя́ досто́йна Ца́рствия Небе́снаго.
Душу мою, униженную среди множества соблазнов, ты, святой заступник и певец с сонмами бесплотных Сил Божиих, неизреченной славы небесной удостой, помилуй меня и сохрани, и помыслами добрыми душу мою просвети, дабы я Твоею славою, Ангел мой, обогатился, и низложи злоумышляющих против меня врагов, и соделай меня достойным Царства Небесного.
Пе́снь 7
Ирмос: От Иуде́и доше́дше о́троцы, в Вавило́не иногда́, ве́рою Тро́ическою пла́мень пе́щный попра́ша, пою́ще: отце́в Бо́же, благослове́н еси́.
Из Иудеи пришедшие юноши, в Вавилоне некогда верою в Троицу попрали пламя печи, воспевая: «Боже отцов наших, благословен Ты!»
Святы́й А́нгеле Бо́жий, храни́телю мо́й, моли́ Бо́га о мне́.
Ми́лостив бу́ди ми́, и умоли́ Бо́га, Госпо́день А́нгеле, име́ю бо тя́ засту́пника во все́м животе́ мое́м, наста́вника же и храни́теля, от Бо́га дарова́ннаго ми́ во ве́ки.
Милостив будь ко мне и умоли Бога, Господень Ангел: ибо я имею тебя заступником все время жизни моей, наставником и хранителем, от Бога дарованным мне навеки.
Святы́й А́нгеле Бо́жий, храни́телю мо́й, моли́ Бо́га о мне́.
Не оста́ви в пу́ть ше́ствующия души́ моея́ окая́нныя уби́ти разбо́йником, святы́й А́нгеле, я́же ти́ от Бо́га предана́ бы́сть непоро́чне; но наста́ви ю́ на пу́ть покая́ния.
Не допусти, святой Ангел, чтобы душу мою несчастную, которая вручена была тебе от Бога непорочной, на пути убили разбойники, но направь ее на путь покаяния.
Сла́ва Отцу, и Сы́ну, и Свято́му Ду́ху. Всю́ посра́млену ду́шу мою́ привожду́ от лука́вых ми́ по́мысл и де́л: но предвари́, наста́вниче мо́й, и исцеле́ние ми́ пода́ждь благи́х по́мысл, уклоня́ти ми́ ся́ всегда́ на пра́выя стези́.
Душу мою всю посрамленной привожу от лукавых моих помыслов и дел, но скоро предстань, наставник мой, и исцеление мне подай, чтобы чрез благие помыслы я уклонялся всегда на правые пути.
И ны́не, и при́сно, и во ве́ки веко́в, ами́нь. Прему́дрости испо́лни все́х и кре́пости Боже́ственныя, Ипоста́сная Прему́дросте Вы́шняго, Богоро́дицы ра́ди, ве́рою вопию́щих: оте́ц на́ших Бо́же, благослове́н еси́.
Премудростью исполни и крепостью божественной, ипостасная Премудрость Всевышнего, по молитвам Богородицы, всех с верою взывающих: «Отцов наших Боже, благословен Ты!»
Пе́снь 8
Ирмос: Царя́ Небе́снаго, Его́же пою́т во́и а́нгельстии, хвали́те и превозноси́те во вся́ ве́ки.
Царя небесного, Которого воспевают воинства Ангелов, воспевайте и превозносите во все века.
Святы́й А́нгеле Бо́жий, храни́телю мо́й, моли́ Бо́га о мне́.
От Бо́га по́сланный, утверди́ живо́т мо́й, раба́ твоего́, преблаги́й А́нгеле, и не оста́ви мене́ во ве́ки.
От Бога посланный, утверди жизнь мою, раба твоего, преблагой Ангел, и не оставь меня вовеки.
Святы́й А́нгеле Бо́жий, храни́телю мо́й, моли́ Бо́га о мне́.
А́нгела тя́ су́ща бла́га, души́ моея́ наста́вника и храни́теля, преблаже́нне, воспева́ю во ве́ки.
Ангела поистине благого, души моей наставника и хранителя, тебя, преблаженный, воспеваю вовеки.
Сла́ва Отцу, и Сы́ну, и Свято́му Ду́ху. Бу́ди ми́ покро́в и забра́ло в де́нь испыта́ния все́х челове́к, во́ньже огне́м искуша́ются дела́ блага́я же и зла́я.
Будь мне покровом и крепостной стеной в день испытания всех людей, когда будут испытаны огнем дела и добрые, и злые.
И ны́не, и при́сно, и во ве́ки веко́в, ами́нь. Бу́ди ми́ помо́щница и тишина́, Богоро́дице Присноде́во, рабу́ Твоему́, и не оста́ви мене́ лише́на бы́ти Твоего́ влады́чества.
Будь мне помощницей и тишиной, Богородица Приснодева, рабу Твоему, и не допусти меня остаться лишенным Твоего покровительства.
Пе́снь 9
Ирмос: Вои́стинну Богоро́дицу Тя́ испове́дуем, спасе́ннии Тобо́ю, Де́во чи́стая, с безпло́тными ли́ки Тя́ велича́юще.
Истинно Богородицей Тебя исповедуем мы, спасенные Тобою, Дева чистая, с сонмами бесплотных Тебя величая.
Иису́су: Го́споди Иису́се Христе́ Бо́же мо́й, поми́луй мя́.
Поми́луй мя́, еди́не Спа́се мо́й, я́ко ми́лостив еси́ и милосе́рд, и пра́ведных лико́в сотвори́ мя́ прича́стника.
Помилуй меня, единственный Спаситель мой, ибо Ты милостив и милосерд, и сделай меня причастником сонмам праведников.
Святы́й А́нгеле Бо́жий, храни́телю мо́й, моли́ Бо́га о мне́.
Мы́слити ми́ при́сно и твори́ти, Госпо́день А́нгеле, блага́я и поле́зная да́руй, я́ко си́льна яви́ в не́мощи и непоро́чна.
Мыслить мне всегда и творить, Господень Ангел, доброе и полезное даруй, яви сильным в немощи и непорочным.
Сла́ва Отцу, и Сы́ну, и Свято́му Ду́ху. Я́ко име́я дерзнове́ние к Царю́ Небе́сному, Того́ моли́, с про́чими безпло́тными, поми́ловати мя́, окая́ннаго.
Как имеющий дерзновение к Царю Небесному, Его моли с прочими бесплотными помиловать меня, несчастного.
И ны́не, и при́сно, и во ве́ки веко́в, ами́нь. Мно́го дерзнове́ние иму́щи, Де́во, к Вопло́щшемуся из Тебе́, преложи́ мя́ от у́з и разреше́ние ми́ пода́ждь и спасе́ние, моли́твами Твои́ми.
Великое дерзновение имея, Дева, к Воплотившемуся от Тебя, освободи меня от уз, и избавление мне подай и спасение молитвами Твоими.
Моли́тва к А́нгелу-Xранителю
А́нгеле Христо́в святы́й, к тебе́ припа́дая молю́ся, храни́телю мо́й святы́й, прида́нный мне́ на соблюде́ние души́ и те́лу моему́ гре́шному от свята́го креще́ния, а́з же свое́ю ле́ностию и свои́м злы́м обы́чаем прогне́вах твою́ пречи́стую све́тлость и отгна́х тя́ от себе́ все́ми сту́дными де́лы: лжа́ми, клевета́ми, за́вистию, осужде́нием, презо́рством, непоко́рством, братоненавиде́нием, и злопомне́нием, сребролю́бием, прелюбодея́нием, я́ростию, ску́постию, объяде́нием без сы́тости и опи́вством, многоглаго́ланием, злы́ми по́мыслы и лука́выми, го́рдым обы́чаем и блу́дным возбеше́нием, имы́й самохоте́ние на вся́кое плотско́е вожделе́ние. О, зло́е мое́ произволе́ние, его́же и ско́ти безслове́снии не творя́т! Да ка́ко возмо́жеши воззре́ти на мя́, или́ приступи́ти ко мне́, а́ки псу́ смердя́щему? Кото́рыма очи́ма, а́нгеле Христо́в, воззри́ши на мя́, опле́тшася зле́ во гну́сных де́лех? Да ка́ко уже́ возмогу́ отпуще́ния проси́ти го́рьким и злы́м мои́м и лука́вым дея́нием, в ня́же впа́даю по вся́ дни́ и но́щи и на вся́к ча́с? Но молю́ся ти́ припа́дая, храни́телю мо́й святы́й, умилосе́рдися на мя́ гре́шнаго и недосто́йнаго раба́ твоего́ (и́мя), бу́ди ми́ помо́щник и засту́пник на зла́го моего́ сопроти́вника, святы́ми твои́ми моли́твами, и Ца́рствия Бо́жия прича́стника мя́ сотвори́ со все́ми святы́ми, всегда́, и ны́не и при́сно и во ве́ки веко́в. Ами́нь.
Ангел Христов святой, к тебе припадая, молюсь, хранитель мой святой, приставленный ко мне от святого крещения для соблюдения души и тела меня, грешного! Я же своею леностью и своим злым нравом прогневал тебя, чистейшего и светлого, и отогнал тебя от себя всевозможными постыдными делами: ложью, клеветою, завистью, осуждением, непокорностью, ненавистью к братьям своим и злопамятством, сребролюбием, прелюбодеянием, яростью, скупостью, объедением ненасытным, многословием, злыми и лукавыми помыслами и привычкой к гордости, стремясь по собственной воле ко всякому плотскому вожделению. О злое мое соизволение на то, чего и скоты неразумные не творят! И как же сможешь ты взглянуть на меня, или приблизиться ко мне? Какими очами, Ангел Христов, посмотришь на меня, запутавшегося злосчастно в гнусных делах? И как еще смогу я просить о прощении горьких и злых моих и лукавых деяний, в которые впадаю во все дни и ночи, и на всякий час? Но молюсь, припадая к тебе, хранитель мой святой, умилосердись надо мною грешным и недостойным рабом твоим (имя), будь мне помощником и заступником против злого моего противника святыми твоими молитвами, и Царства Божия причастником меня соделай со всеми святыми вовеки. Аминь.
....
Канон Безплотных, творение Иоанна монаха, глас 8
Песнь 1
Ирмос: Песнь возсле́м, лю́дие, / чу́дному Бо́гу на́шему, / свободи́вшему Изра́иля от рабо́ты, / песнь побе́дную пою́ще и вопию́ще: / пои́м Тебе́, Еди́ному Влады́це.
Ирмос: Песнь вознесем, люди, / чудному Богу нашему, / Израиль освободившему от рабства, / песнь победную воспевая и взывая: / «Воспоем Тебе, единому Владыке!»
Припев: Святи́и Арха́нгели и А́нгели, моли́те Бо́га о нас.
Припев: Святые Архангелы и Ангелы, молите Бога о нас.
Вси воспои́м, ве́рнии, / вся управля́ющую невеще́ственныя Го́рних лико́в чинонача́лия, Тро́ицу несозда́нную: / Свят, Свят, Свят еси́, вопию́ще, Бо́же Вседержи́телю.
Воспоем все верные, / Троицу несотворенную, / управившую все невещественные / вышних хоров начальства, / взывающие «Свят, Свят, Свят Ты, / Боже Вседержитель!»
Положи́л еси́ тва́рей Нача́ло, существо́ Безпло́тное, Тво́рче А́нгелов, / пречи́стый Твой Престо́л окружа́ющее, зва́ти Тебе́: / Свят, Свят, Свят еси́, Бо́же Вседержи́телю.
Положил Ты, Ангелов Творец, творениям началом / естество бесплотное, окружающее пречистый Твой престол, / чтобы восклицать Тебе: / «Свят, Свят, Свят Ты, / Боже Вседержитель!»
Сла́ва Отцу, и Сы́ну, и Свято́му Ду́ху. Ра́дуйся, Гаврии́ле, тайнови́дче Бо́жия воплоще́ния, / Михаи́ле же, чино́в невеще́ственных первостоя́телю, непреста́нно зову́ще: / Свят, Свят, Свят еси́, Бо́же Вседержи́телю.
Слава: Радуйся Гавриил, / вводящий нас в таинство Божия воплощения, / и Михаил, полков невещественных первостоятель, / непрестанно восклицающие: / «Свят, Свят, Свят Ты, Боже Вседержитель!»
И ны́не, и при́сно, и во ве́ки веко́в, ами́нь. Трепе́щу та́инства, Христе́, Твоего́ снизхожде́ния, / я́ко И́же естество́м Бог, прия́л еси́ от Де́вы роди́тися я́ко Челове́к, / да спасе́ши мир от рабо́ты проти́внаго.
И ныне: Трепещу пред таинством / нисхождения Твоего, Христе: / ибо Ты, Бог, по естеству, / благоволил от Девы родиться, как Человек, / чтобы мiр спасти от рабства противнику.
Песнь 3
Ирмос: Страх Твой, Го́споди, / всади́ в сердца́ раб Твои́х / и бу́ди нам утвержде́ние, / Тя во и́стине призыва́ющих.
Ирмос: Страх Твой, Господи, / насади в сердцах рабов Твоих, / и будь нам утверждением, / во истине Тебя призывающим.
Припев: Святи́и Арха́нгели и А́нгели, моли́те Бо́га о нас.
Припев: Святые Архангелы и Ангелы, молите Бога о нас.
Кре́постию поста́вил еси́, Безсме́ртне, си́льныя, / соверша́ющия всесвяту́ю Твою́ во́лю, / Тебе́ в вы́шних всегда́ предстоя́щия.
Мощью Своею поставил Ты, Бессмертный, / Сильных, исполняющих всесвятую волю Твою, / Тебе в вышних всегда предстоящих.
Таи́нники Твоего́ вочелове́чения и честна́го воста́ния, / А́нгельския чинонача́льники, Христе́, за ны приими́ моля́щияся.
Служителей таинств Твоего вочеловечения / и священного воскресения, / Ангельских начальников, Христе, / прими за нас молящихся.
Сла́ва Отцу, и Сы́ну, и Свято́му Ду́ху. А́нгелы приста́вил еси́ храни́тели челове́ком, я́ко Благоутро́бен, / служи́тели же показа́л еси́, Христе́, спасе́ния Твои́х уго́дников.
Слава: Ангелов приставил Ты к людям хранителями, / как милосердный, / и показал, Христе, служителями / спасающими Твоих соратников.
И ны́не, и при́сно, и во ве́ки веко́в, ами́нь. Неизрече́нно зачала́ еси́ Го́спода и Спа́са Богоневе́сто, / избавля́ющаго ны от лю́тых, Тя вои́стинне призыва́ющия.
И ныне: Неизреченно зачала Ты Господа / и Спасителя, Божия Невеста, / избавляющего от лютых бед, / нас, Тебя во истине призывающих.
Го́споди, поми́луй, трижды.
Седален, глас 8
Небе́сных нача́льницы и первостоя́телие высокопресто́льных и стра́шных / Боже́ственныя сла́вы Михаи́ле и Гаврии́ле Архистрати́зи, / А́нгелов чинонача́льницы, со всеми Безпло́тными, / о служи́телие Влады́чни! / О ми́ре непреста́нно моля́щеся, / испроси́те оставле́ние прегреше́ных на́ми, / и ми́лость, и благода́ть обрести́ в день су́дный.
О Сил небесных предводители и первыми стоящие / у высокого и страшного престола Божественной славы, / Михаил и Гавриил Архистратиги, / Ангельских полков начальники, со всеми бесплотными служащие Владыке! / О мiре непрестанно молясь, / испросите отпущение согрешений наших, / и да обретем мы благодать и милость в день суда.
Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь. Богородичен:
Богоблагода́тная, Чи́стая, Благослове́нная, / благоутро́бия ра́ди ще́дрот из Тебе́ Ро́ждшагося / с вы́шними Си́лами, и Арха́нгелы, и всеми Безпло́тными моли́ непреста́нно / пода́ти нам пре́жде конца́ ми́лостивно проще́ние грехо́в / и жития́ исправле́ние, я́ко да обря́щем ми́лость.
Слава, и ныне, Богородичен: Богом облагодатствованная, Чистая, благословенная! / По благосердию и состраданию от Тебя Рожденного, / с Вышними Силами, и Архангелами, и всеми Бесплотными моли непрестанно, / да сжалится Он и подаст прежде конца прощение грехов, / и жизни исправление, / дабы обрести нам милость.
Песнь 4
Ирмос: Всел еси́ на ко́ни, апо́столы Твоя́, Го́споди, / и прия́л еси́ рука́ма Твои́ма узды́ их, / и спасе́ние бысть ежде́ние Твое́ / ве́рно пою́щим: / сла́ва си́ле Твое́й, Го́споди.
Ирмос: Воссел Ты на коней / – на апостолов Твоих, Господи, / и взял в руки Свои их узды, / и спасением стала езда Твоя / для поющих с верою: / «Слава силе Твоей, Господи!»
Припев: Святи́и Арха́нгели и А́нгели, моли́те Бо́га о нас.
Припев: Святые Архангелы и Ангелы, молите Бога о нас.
Всел еси́ на А́нгелы, я́коже на ко́ни, Человеколю́бче, / и прия́л еси́ руко́ю Твое́ю брозды́ их, / и спасе́ние бысть ежде́ние Твое́ непреста́нно вопию́щим: / сла́ва си́ле Твое́й, Го́споди.
Воссел Ты на Ангелов, / как на коней, Человеколюбец, / и взял в руки Свои их узды, / и спасением стала езда Твоя / для непрестанно взывающих: / «Слава силе Твоей, Господи!»
Покрыва́ет А́нгелы доброде́тель Твоя́, Человеколю́бче, / и земли́ исполня́ет концы́ Твоего́ сла́внаго, Безнача́льне, Боже́ственнаго хвале́ния, / с ни́ми Тебе́ вопию́щия: / сла́ва си́ле Твое́й, Го́споди.
Покрывает Ангелов / доблесть Твоя, Человеколюбец, / и исполнились концы земли / Тебе, Безначальный, славной, божественною хвалою / всех, с ними Тебе взывающих: / «Слава силе Твоей, Господи!»
Сла́ва Отцу, и Сы́ну, и Свято́му Ду́ху. Изше́л еси́, Ще́дре, на спасе́ние люде́й Твои́х, Христе́, / созыва́еши же дру́ги, Си́лы Твоя́, / и весе́лие бысть прише́ствие Твое́ ве́рно Тебе́ вопию́щим: / сла́ва си́ле Твое́й, Го́споди.
Слава: Вышел Ты, сострадательный, / для спасение народа Твоего, Христе, / и созываешь друзей – Силы Твои, / и веселием стало пришествие Твое / с верою Тебе взывающим: / «Слава силе Твоей, Господи!»
И ны́не, и при́сно, и во ве́ки веко́в, ами́нь. Де́ва и Ма́ти преесте́ственно яви́лася еси́, Всечи́стая, / я́ко Бо́га, Того́жде и Челове́ка Христа́, ро́ждшая. / Ему́же со стра́хом вопию́т А́нгельския чи́ни: / сла́ва си́ле Твое́й, Го́споди.
И ныне: Девою и Матерью / сверхъестественно явилась Ты Всечистая, / как Бога и Его же Человека – Христа родившая. / Ему со страхом восклицают Ангельские полки: / «Слава силе Твоей, Господи!»
Песнь 5
Ирмос: От но́щи неве́дения / по душелови́тельному пути́ при́сно блудя́щаго, / све́том ра́зума Твоего́, Го́споди, преднаставля́я мя, / на стезю́ за́поведей Твои́х напра́ви.
Ирмос: От ночи неведения / на пленяющий душу путь всегда сбивающегося, / светом познания Твоего, Господи, меня ведя, / ко стезе заповедей Твоих направь.
Припев: Святи́и Арха́нгели и А́нгели, моли́те Бо́га о нас.
Припев: Святые Архангелы и Ангелы, молите Бога о нас.
Невозвра́тным жела́нием при́сно к высоте́, / к Тебе́, Христе́, носи́ми, кра́йнейшему всех жела́ний, / А́нгельския си́лы непреста́нно Тя сла́вят.
Неотступным влечением всегда к высотам уносясь, / – к Тебе, Христе, превосходнейшему из всех желаний, / Ангельские Силы непрестанно славят Тебя.
Ты у́мныя по существу́, нетле́нныя благода́тию Твое́ю, Христе́, / устро́ил еси́ песнопе́вцы Твоего́ вели́чества, / А́нгелы Твоя́, по о́бразу соде́лав, Непостижи́ме.
Ты разумными по естеству, / нетленными по благодати Твоей, Христе, / создал песнопевцев Твоего величия – Ангелов Твоих, / по образу Своему их сотворив, Непостижимый.
Сла́ва Отцу, и Сы́ну, и Свято́му Ду́ху. Ты непрекло́нны на го́ршее к Тебе́ приближе́нием, Христе́, / сохрани́л еси́ Твоя́ слуги́, / исто́чник бо бла́гости Ты еси́, / благотвори́ши досто́йно Тебе́ служа́щия.
Слава: Ты непреклонными к худшему / благодаря близости, к Тебе Христе, / сохранил Твоих служителей: / ибо Ты, источник благости, / благодетельствуешь по достоинству Тебе служащим.
И ны́не, и при́сно, и во ве́ки веко́в, ами́нь. Умерщвле́нную мою́ ду́шу страстьми́ ме́рзкими, Всенепоро́чная оживи́, / жи́зни Храни́теля ро́ждшая, / и к стези́ ве́чней, и блаже́нней жи́зни упра́ви.
И ныне: Мою душу, умерщвленную мерзкими страстями, / оживи Всенепорочная, / жизни Хранителя родившая, / и к направь вечному пути, / и блаженной жизни.*
Песнь 6
Ирмос: Ио́ну в ки́те, Го́споди, / еди́наго всели́л еси́, / мене́ же, свя́заннаго мре́жами вра́жиими, / я́ко от тли о́наго спаси́.
Ирмос: Иону внутри кита, Господи, / Ты одного-единственного поселил; / меня же связанного сетями вражьими, / как его от гибели спаси.
Припев: Святи́и Арха́нгели и А́нгели, моли́те Бо́га о нас.
Припев: Святые Архангелы и Ангелы, молите Бога о нас.
Боголе́пне от не су́щих, Го́споди, / сло́вом Твои́м приве́л еси́ существа́ Небе́сных безсме́ртных во́инств, / светови́дны ты́я соде́ловая.
Подобающим Богу образом / Ты, Господи, Словом Твоим привел из небытия / естество небесных бессмертных Воинств, / световидными их соделав.
Таи́нницы честни́и Бо́жия хвале́ния бы́сте Безпло́тнии, / гра́ждане Небе́сныя и Боже́ственныя и́стинно ски́нии, / Творцу́ досто́йно служа́ще.
Посвященными в таинство / священной Божией хвалы / вы сделались, Бесплотные, / граждане Небесной и поистине Божественной скинии, / Творцу достойно служащие.
Сла́ва Отцу, и Сы́ну, и Свято́му Ду́ху. Безпло́тных чи́ни у́мнии / Тя, Сы́не Бо́жий пребезнача́льный, хва́лят непреста́нно / и славосло́вят, я́ко Творца́ и Созда́теля вся́ческих.
Слава: Бесплотных полки разумные / Тебя, Сын Божий пребезначальный, / хвалят непрестанно, и славословят, / как Творца и Создателя всего.
И ны́не, и при́сно, и во ве́ки веко́в, ами́нь. Со Отце́м в вы́шних, Пречи́стая, безнача́льне седя́щаго, / на объя́тиих Твои́х восклони́ти сподо́билася еси́: / Его́же нам пода́ждь, Чи́стая, рабо́м Твои́м, Ми́лостива.
И ныне: Со Отцом вместе на высотах / безначально Восседающего / Ты, Пречистая, удостоилась в Свои объятия; принять / Его к нам, рабам Твоим, Чистая, / милостивым соделай.
Го́споди, поми́луй, трижды. Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.
Кондак, глас 2
Архистрати́зи Бо́жии, / служи́телие Боже́ственныя сла́вы, / А́нгелов нача́льницы и челове́ков наста́вницы, / поле́зное нам проси́те и ве́лию ми́лость, / я́ко Безпло́тных Архистрати́зи.
Архистратиги Божии, служители Божественной Славы, / Ангелов начальники и людей наставники, / полезное нам испросите и великую милость, / как бесплотных Архистратиги.
Икос
Рекл еси́, Человеколю́бче, в писа́ниих Твои́х / мно́жеству ра́доватися А́нгелов на Небеси́ / о челове́це еди́ном ка́ющемся, Безсме́ртне. / Те́мже мы, и́же в беззако́ниих, Безгре́шне, / еди́не Сердцеве́дче, / Тя моли́ти всегда́ дерза́ем, я́ко Благоутро́бнаго, / уще́дрити и низпосла́ти недосто́йным умиле́ние, Влады́ко, / подая́й нам проще́ние: / о всех бо нас мо́лятся Тебе́ Безпло́тных Архистрати́зи.
Сказал Ты Человеколюбец, в Писаниях Твоих, Бессмертный, / что множество Ангелов радуется на небесах / об одном человеке кающемся. / Потому мы, в беззакониях погрязшие, / Тебя, Сердцеведец, один безгрешный, / молить всегда дерзаем, как милосердного, / пожалеть и ниспослать недостойным сокрушение, / подавая нам прощение, Владыка, / ибо обо всех нас молятся Тебе / Бесплотных Архистратиги.
Песнь 7
Ирмос: О́троцы евре́йстии в пещи́ / попра́ша пла́мень дерзнове́нно / и на ро́су огнь преложи́ша, вопию́ще: / благослове́н еси́, Го́споди Бо́же, во ве́ки.
Ирмос: Отроки Еврейские в печи / попрали пламя дерзновенно, / и огонь превратили в росу, взывая: / «Благословен Ты, Господи Боже, вовеки!»
Припев: Святи́и Арха́нгели и А́нгели, моли́те Бо́га о нас.
Припев: Святые Архангелы и Ангелы, молите Бога о нас.
Све́ты яви́л еси́, Ще́дре, А́нгелов Твои́х невеще́ственное существо́, / неизрече́ннаго све́та исполня́еми непреста́нно, / благослове́н еси́, зову́щия, Бо́же во ве́ки.
Светами явил Ты, Милосердный, / Ангелов Твоих невещественное естество, / неизреченным Светом исполняемыми непрестанно и взывающими: / «Благословен Ты, Боже, вовеки!»
Ему́же предстоя́т непреста́нно, служа́ще тьмы А́нгелов, / ли́ца же зре́ти не терпя́т зре́ния, / благослове́н еси́, зову́ще, Го́споди Бо́же, во ве́ки.
Служащие мириады Ангелов / непрестанно предстоят Тому, / на вид Чьего Лица взирать не вынося, взывают: / «Благословен Ты, Господи!»
Сла́ва Отцу, и Сы́ну, и Свято́му Ду́ху. Сло́вом Твои́м Ипоста́сным А́нгельское естество́ соде́лал еси́, / освяти́в же Боже́ственным Ду́хом, / Тро́ицу Богосло́вити научи́л еси́, Бо́же, во ве́ки.
Слава: Словом Твоим Ипостасным, Боже, / создал Ты Ангелов множество; / Духом же Божественным их освятив, / богословствовать о Троице научил навеки.
И ны́не, и при́сно, и во ве́ки веко́в, ами́нь. Троичен: Три у́бо, у́мствующе Ипоста́си, неопи́санное сла́вим Существо́, / Отца́, Сло́ва со Ду́хом, вопию́ще: / благослове́н еси́, Го́споди Бо́же, во ве́ки.
И ныне, Троичен: О трех Ипостасях размышляя, / беспредельное славим Естество: / Отца, и Сына, и Духа, взывая: / «Благословен Ты, Господи Боже, вовеки!»
Песнь 8
Ирмос: На горе́ святе́й просла́вльшася, / и в купине́ огне́м Присноде́вы Моисе́ови та́йну я́вльшаго, / Го́спода по́йте / и превозноси́те во вся ве́ки.
Ирмос: На горе святой Прославившегося / и огнем в кусте терновом Моисею / Приснодевы таинство явившего – / Господа пойте и превозносите во все века.
Припев: Святи́и Арха́нгели и А́нгели, моли́те Бо́га о нас.
Припев: Святые Архангелы и Ангелы, молите Бога о нас.
А́нгельскому поревну́им житию́, и мы́сли впери́м к высоте́, / и с ни́ми невеще́ственно воспои́м Го́спода, / пою́ще и превознося́ще во вся ве́ки.
Ангельскому поревнуем житию, / и окрылим мысли к высоте, / и с ними невещественно будем петь, / Господа воспевая и превознося во все века.
Лико́вственницы ликова́ния Небе́снии, / Престо́л обстоя́ще сла́вы, / о́крест Бо́га же всегда́ обраща́ющеся, / А́нгели пою́т и превозно́сят Его́ во вся ве́ки.
Участники небесного хоровода, / престол славы обступающие, / и вокруг Бога всегда вращающееся, / Ангелы Его поют / и превозносят во все века.
Сла́ва Отцу, и Сы́ну, и Свято́му Ду́ху. Невеще́ственнаго огня́ творя́щей пла́мень, / на высоте́ непреста́нно служа́щия, и А́нгелы ду́хи явля́ющей, / Тро́ице покланя́емся и славосло́вим во вся ве́ки.
Слава: Делающей пламенем невещественного огня / непрестанно на высоте служащих, / и Ангелов духами являющей / Троице поклоняемся и славословим во все века.
И ны́не, и при́сно, и во ве́ки веко́в, ами́нь. Ему́же на Небеси́ предстоя́т с тре́петом тьмы А́нгел и Арха́нгел, / Того́ на объя́тиих носи́ти сподо́билася еси́, Богоро́дице, / моли́ спасти́ся славосло́вящим Его́ во вся ве́ки.
И ныне: Кому на Небесном своде предстоят / с трепетом мириады Ангелов и Архангелов, / Того в объятиях Своих носить / сподобилась Ты, Богородица; / ходатайствуй о спасении / славословящих Его вовеки.
Песнь 9
Ирмос: Уста́вы прешла́ еси́ естества́, / Соде́теля заче́нши и Го́спода, / и дверь спасе́ния ми́рови была́ еси́. / Тем Тя, Богоро́дице, / непреста́нно велича́ем.
Ирмос: Ты перешла пределы естества, / зачав Создателя и Господа, / и стала мiру дверью спасения. / Потому мы Тебя, Богородица, / непрестанно величаем.
Припев: Святи́и Арха́нгели и А́нгели, моли́те Бо́га о нас.
Припев: Святые Архангелы и Ангелы, молите Бога о нас.
Тя, неизрече́нно соедини́вшаго Небе́сным, Христе́, земна́я / и еди́ну Це́рковь соверши́вша А́нгелов и челове́ков, / непреста́нно велича́ем.
Тебя, Христе, неизреченно / соединившего с Небесными земных, / и создавшего единую Церковь Ангелов и человеков, / мы непрестанно величаем.
А́нгели же и Арха́нгели, / Престо́ли, Вла́сти и Госпо́дства, / Нача́ла же и Си́лы, Херуви́ми и Серафи́ми, / с Богоро́дицею о ми́ре моли́теся.
Ангелы и Архангелы, / Престолы, Власти и Господства, / Начальства с Силами, Херувимы и Серафимы, / с Богородицей о мiре молите.
Сла́ва Отцу, и Сы́ну, и Свято́му Ду́ху. Всех предста́телие показу́ющиися, Михаи́л с Гаврии́лом, / посети́те от любве́ чту́щия всепра́зднственную па́мять ва́шу и ве́рно воспева́ющия: / спаса́йте от вся́каго обстоя́ния.
Слава: Покровителями всех являющиеся / Михаил с Гавриилом! / Посетите чтущих по любви / всепраздничную память вашу, / и с верою воспевающих: / «Спасайте нас от всякой превратности!»
И ны́не, и при́сно, и во ве́ки веко́в, ами́нь. Ра́дуйся, свята́я Богоневе́сто! / Ра́дуйся, Свет ми́ру ро́ждшая ве́рным! / Ра́дуйся, стено́ и покро́ве всех нас: / Бо́га, я́ко Благоде́теля за ны непреста́нно моли́.
И ныне: Радуйся, святая Божия Невеста; / радуйся, Свет мiру родившая верным; / радуйся, стена и покров всех нас: / Бога, как благодетеля, непрестанно за нас моли.*
Светилен.
О́гненных, Архистрати́же, слуг предста́тельство от Отца́ прия́л еси́ Михаи́ле, све́тов, / тем и сия́ние Того́ сла́вы сия́ющее и́маши, / окру́г пречи́стаго Престо́ла ты предстоя́, / я́ко пе́рвый Невеще́ственных чино́в.
Предводительство среди Огненных Служителей, / принял ты Михаил Архистратиг, от Отца светов: / потому и обладаешь Его славы блистающим сиянием, / предстоя вокруг пречистого престола / ты, как первый из невещественных полков.
Сла́ва Отцу, и Сы́ну, и Свято́му Ду́ху. Невеще́ственных Сил, Арха́нгел и А́нгел, / Госпо́дств, и Престо́л, и Нача́л предста́тель пред Бо́гом постоя́нный, / Архистрати́же Боже́ственне, Михаи́ле пресла́вне, / нестерпи́мому бо Престо́лу предстоя́й, / покры́й, соблюди́, сохрани́ и спаси́ вся, ве́рою тя почита́ющия, / мирска́го предста́теля.
Слава: Со ученики: Властей, Сил, Архангелов и Ангелов, / Господств, Престолов и Начальств / предводителем ты поставлен Богом, / Архистратиг божественный, преславный Михаил: / и вот, неприступному престолу предстоя, / покрывай, оберегай, храни, спасай / всех, с верою почитающих тебя, / покровителя мiра.
И ны́не, и при́сно, и во ве́ки веко́в, ами́нь. Богородичен: Честне́йшая еси́ Херуви́м сла́вных и Серафи́м, Всепе́тая, / стра́шных без сравне́ния сла́внейшая / и всех святы́х А́нгел святе́йшая, Пречи́стая: / Зижди́теля бо всех пло́тски неизрече́нно родила́ еси́, Богоро́дице. / Его́же моли́ рабо́м Твои́м разреше́ние дарова́ти прегреше́ний.
И ныне, Богородичен: Честью выше Ты Херувимов славных, / и несравненно славнее Серафимов страшных, Всехвальная, / и всех святых Ангелов святее, Всечистая: / ибо Создателя всего по плоти / Ты родила неизреченно, Богородица. / Испроси у Него рабам Твоим / даровать избавление от согрешений.
Молитва всем чинам Ангельским
Вси святи́и Небе́сные безпло́тные Си́лы, удосто́йте меня́ си́лы сокруша́ть все зло и стра́сти под но́ги мои́. Святи́и безпло́тные Серафи́мы, удосто́йте меня́ име́ть пламене́ющее се́рдце к Бо́гу. Святи́и безпло́тные Херуви́мы, удосто́йте меня́ име́ть прему́дрость для сла́вы Бо́жией. Святи́и безпло́тные Престо́лы, удосто́йте меня́ различа́ть и́стину от непра́вды. Святи́и безпло́тные Го́сподства, удосто́йте меня́ госпо́дствовать над страстя́ми, что́бы дух поработи́л плоть. Святи́и безпло́тные Си́лы, удосто́йте меня́ име́ть му́жество в исполне́нии во́ли Бо́жией. Святи́и безпло́тные Вла́сти, удосто́йте меня́ име́ть си́лу побе́ды над злом. Святи́и безпло́тные Нача́ла, удосто́йте меня́ служи́ть Го́споду Бо́гу в непоро́чности се́рдца и дел рук мои́х. Святи́и безпло́тные Арха́нгелы, удосто́йте меня́ исполня́ть во́лю Го́спода на́шего Иису́са Христа́. Святи́и безпло́тные А́нгелы, удосто́йте меня́ руково́дствоваться за́поведями Бо́жиими во все дни жи́зни мое́й.
Все святые Небесные бесплотные Силы, удостойте меня силы сокрушать все зло и страсти под ноги мои. Святые бесплотные Серафимы, удостойте меня иметь сердце, пламенеющее к Богу. Святые бесплотные Херувимы, удостойте меня иметь премудрость к славе Божией. Святые бесплотные Престолы, удостойте меня отличать истину от неправды. Святые бесплотные Господства, удостойте меня господствовать над страстями, чтобы дух поработил во мне плоть. Святые бесплотные Силы, удостойте меня иметь мужество в исполнении воли Божией. Святые бесплотные Власти, удостойте меня иметь власть для победы над злом. Святые бесплотные Начальства, удостойте меня служить Господу Богу в непорочности сердца и дел рук моих. Святые бесплотные Архангелы, удостойте меня исполнять волю Господа нашего Иисуса Христа. Святые бесплотные Ангелы, удостойте меня руководствоваться заповедями Божиими во все дни жизни моей. Аминь
Молитва всем святым и безплотным Небесным Силам
Бо́же Святы́й и во святы́х почива́яй, трисвяты́м гла́сом на Небеси́ от А́нгел воспева́емый, на земли́ от челове́к во святы́х Свои́х хва́лимый; да́вый Святы́м Твои́м Ду́хом коему́ждо благода́ть по ме́ре дарова́ния Христо́ва, и то́ю поста́вивый Це́ркви Твое́й святе́й о́вы Апо́столы, о́вы проро́ки, о́вы же благове́стники, о́вы па́стыри и учи́тели, и́хже сло́вом про́поведи, Тебе́ Самому́ де́йствующему вся во всех, мно́зи соверши́шася святи́и в ко́емждо ро́де и ро́де, разли́чными доброде́тельми благоугоди́вшии Тебе́, и к Тебе́, нам о́браз до́брых по́двигов свои́х оста́вивше, в ра́дости преше́дшии, гото́ви, в не́мже са́ми искуше́ни бы́ша, и нам напа́ствуемым помога́ти. Сих святы́х всех воспомина́я и их богоуго́дное похваля́я житие́, Тебе́ Самаго́ в них де́йствовавшаго восхваля́ю и о́нех благотворе́ния Твоя́ дарова́ния бы́ти ве́руя, приле́жно молю́ Тя, Свя́те святы́х, даждь ми, гре́шному, после́довати их уче́нию, житию́, любве́, ве́ре, долготерпе́нию, и их моли́твенною по́мощию, па́че же Твое́ю вседе́йствующею благода́тию, небе́сныя с ни́ми сподо́битися сла́вы, хва́ляще Пресвято́е и́мя Твое́, Отца́ и Сы́на и Свята́го Ду́ха во ве́ки. Ами́нь.
Боже святой и во святых почивающий, трисвятым гласом на небесах Ангелами воспеваемый, на земле людьми во святых Своих восхваляемый; давший Святым Твоим Духом каждому благодать по мере дарования Христова, и ею поставивший в Церкви Твоей святой одних – Апостолами, других – пророками, иных же – благовестниками, иных – пастырями и учителями. Словом же их проповеди, достигли совершенства многие святые в каждом, роде и роде различными добродетелями угодившие Тебе Самому, совершающему всё во всех. И, нам образ добрых подвигов своих оставив и к Тебе в радости перейдя, они готовы и нам в напастях помогать, ибо в том сами испытаны были. Всех этих святых воспоминая, и восхваляя богоугодное их житие, Тебя Самого, в них действовавшего, восхваляю, и, веруя, что их добрые дела – это Твои дары, прилежно молю Тебя, Святой из святых: дай мне грешному следовать их учению, а главное – Твоею вседейственною благодатию удостоиться с ними небесной славы, восхваляя пресвятое имя Твое, Отца и Сына и Святого Духа вовеки. Аминь.
.......
Минея, 12 Ноября, Кано́н святи́теля Иоа́нна
Глас 8
Песнь 1
Ирмос: Посе́ченый несеко́маго пресече́,/ и ви́де со́лнце зе́млю, ю́же не ви́де,/ лю́таго врага́ вода́ потопи́,/ и непроходи́мое про́йде Изра́иль./ Песнь же воспева́шеся:/ Го́сподеви пои́м, сла́вно бо просла́вися.
Припев: Святи́телю о́тче Иоа́нне, моли́ Бо́га о на́с.
Сострада́нием ума́ просвеща́емь/ и любо́вию Христо́вою, о́тче, озаря́емь,/ ми́лостыней блиста́я сия́ньми,/ Еди́наго ми́лостиваго Бо́га прия́телище честне́йшее, Иоа́нне, был еси́:/ тем тя ублажа́ем.
Припев: Святи́телю о́тче Иоа́нне, моли́ Бо́га о на́с.
Во век при́сно пребыва́ющая смотря́я,/ му́дрым смы́слом, о́тче свяще́ннейше, измени́л еси́ тле́нная све́тло нетле́нными/ и ны́не на Небесе́х жи́тельствуеши, вопия́ со Безпло́тными ли́ки:/ Го́споду воспои́м, сла́вно бо просла́вися.
Сла́ва Отцу́ и Сы́ну и Свято́му Ду́ху.
Ми́лости Да́тель, одари́в ми́лостивное, преподо́бне, твое́ помышле́ние,/ поми́лова мно́гия Боже́ственным твои́м хода́тайством,/ был еси́ во утеше́ние душ, ни́щих же промышле́ние,/ Иоа́нне всему́дре, Богоблаже́нне свяще́ннейший.
И ны́не и при́сно и во ве́ки веко́в. Ами́нь.
Богородичен: Благослове́нная, Чи́стая и Всепе́тая,/ еди́на ро́ждшая воплоще́ннаго Бо́га,/ приснотеку́щий исто́чник, нам, наде́ющимся на Тя, исцеле́ния излива́юща, ве́рным:/ моли́, Его́же родила́ еси́, дарова́ти ми́ру ве́лию ми́лость.
Песнь 3
Ирмос: Небе́снаго кру́га Верхотво́рче, Го́споди,/ и Це́ркве Зижди́телю,/ Ты мене́ утверди́ в любви́ Твое́й,/ жела́ний кра́ю, ве́рных утвержде́ние,/ Еди́не Человеколю́бче.
Припев: Святи́телю о́тче Иоа́нне, моли́ Бо́га о на́с.
Боголе́пна, я́коже отрокови́ца, от ма́слин вене́ц нося́щи,/ яви́ся тебе́, досточу́дне, Ми́лостиваго благосострада́тельная благода́ть,/ привлача́щи тя к Боже́ственней ми́лости.
Припев: Святи́телю о́тче Иоа́нне, моли́ Бо́га о на́с.
На престо́ле свяще́ннем судо́м Бо́жиим, сла́вне о́тче Иоа́нне, сел еси́,/ я́коже А́нгел, ты пожи́л еси́,/ ми́рныя вознося́ свяще́нныя же́ртвы Всеще́дрому.
Сла́ва Отцу́ и Сы́ну и Свято́му Ду́ху.
Мно́гое милосе́рдие милосе́рдаго Го́спода, о́тче, подража́я,/ за милосе́рдие Обнища́вшаго пло́тию ни́щия удово́лил еси́,/ стра́нныя и безпокро́вныя собира́я,/ исполни́тель повеле́ний Боже́ственных быв.
И ны́не и при́сно и во ве́ки веко́в. Ами́нь.
Богородичен: Всели́вся в Де́ву теле́сне, Го́споди,/ яви́лся еси́ челове́ком, я́коже подоба́ше ви́дети Тя:/ Ю́же и показа́л еси́, я́ко и́стинную Богоро́дицу,/ ве́рным по́мощь, Еди́не Человеколю́бче.
Седален, глас 8
Ми́лостивен нрав прии́м, благосе́рд яви́лся еси́/ и пода́телен ни́щим и тре́бующим, Иоа́нне Богодухнове́нне./ Сего́ ра́ди зва́нием дея́нию подо́бно,/ па́че всех святы́х, блаже́нне, обогати́ тя зело́ Пода́тель благи́х – Христо́с:/ Ему́же, Богому́дре иера́рше пребога́те, моли́ся/ грехо́в оставле́ние пода́ти пра́зднующим любо́вию святу́ю па́мять твою́.
Песнь 4
Ирмос: Услы́шах, Го́споди,/ смотре́ния Твоего́ та́инство,/ разуме́х дела́ Твоя́/ и просла́вих Твое́ Божество́.
Припев: Святи́телю о́тче Иоа́нне, моли́ Бо́га о на́с.
Чи́стая оби́тель яви́лся еси́ Святы́я Тро́ицы, преподо́бне,/ и хра́ма Боже́ственнаго сокро́вище, и иера́рхов нача́ток.
Припев: Святи́телю о́тче Иоа́нне, моли́ Бо́га о на́с.
Мно́гое милосе́рдие твое́ Госпо́дь внима́я Благосе́рдый,/ ду́шу твою́ освяти́, Иоа́нне, о́тче свяще́ннейше.
Сла́ва Отцу́ и Сы́ну и Свято́му Ду́ху.
За́поведей непосты́ден был еси́ де́латель Всеще́драго/ и испо́лнился еси́ благи́х Его́,/ в се́лех святы́х водворя́яся.
И ны́не и при́сно и во ве́ки веко́в. Ами́нь.
Богородичен: Очище́ние на́ших да́руй неве́дений я́ко Безгре́шен/ и умири́ мир Твой, Бо́же,/ моли́твами Ро́ждшия Тя.
Песнь 5
Ирмос: От но́щи неве́дения/ по душелови́тельному пути́ при́сно блудя́щаго/ све́том ра́зума Твоего́, Го́споди, преднаставля́я мя,/ на стезю́ за́поведей Твои́х напра́ви.
Припев: Святи́телю о́тче Иоа́нне, моли́ Бо́га о на́с.
Умертви́вшемуся за ми́лость ме́ртвостию во́льною, о́тче му́дре, подо́бяся,/ распя́лся еси́ ми́ру и страсте́м/ и жи́зни преми́рныя сподо́бился еси́, достосла́вне.
Припев: Святи́телю о́тче Иоа́нне, моли́ Бо́га о на́с.
Блаже́нства удосто́ился еси́,/ кро́ток, сострада́тельнейший, и мири́телен быв,/ и а́лчущих хлеб неижди́вный/ и ни́щим пода́тель, одея́ние же наготству́ющим.
Сла́ва Отцу́ и Сы́ну и Свято́му Ду́ху.
Боже́ственными причаще́ньми, о́тче, удобря́емь,/ я́коже А́нгел, Бо́гу непоро́чно свяще́нствовал еси́,/ ве́рныя просвеща́я свяще́нными уче́нии твои́ми.
И ны́не и при́сно и во ве́ки веко́в. Ами́нь.
Богородичен: Всех Бо́га без се́мене в Свои́х ложесна́х поне́сшую,/ Плотоно́сца же нам ро́ждшую, Пречи́стую Богоро́дицу воспева́ем,/ я́ко спасе́ние душ на́ших.
Песнь 6
Ирмос: Моли́тву пролию́ ко Го́споду/ и Тому́ возвещу́ печа́ли моя́,/ я́ко зол душа́ моя́ испо́лнися,/ и живо́т мой а́ду прибли́жися,/ и молю́ся, я́ко Ио́на:/ от тли, Бо́же, возведи́ мя.
Припев: Святи́телю о́тче Иоа́нне, моли́ Бо́га о на́с.
Моли́твами и посто́м упражня́яся и бде́нно Бо́га моля́,/ открове́ний и зре́ний Боже́ственных сподо́бился еси́, Богому́дре всебога́те,/ науча́емь су́щим па́че ума́ и по́мысла, му́дре, чистото́ю.
Припев: Святи́телю о́тче Иоа́нне, моли́ Бо́га о на́с.
Я́ко А́нгел с пло́тию, на земли́, о́тче, пожи́л еси́,/ же́ртвы ми́рныя, безкро́вныя ве́рою, и сокруше́нным се́рдцем, и ду́хом, блаже́нне,/ Творцу́ принося́, Иоа́нне, ра́достно.
Сла́ва Отцу́ и Сы́ну и Свято́му Ду́ху.
Житие́ твое́, па́че со́лнца возсия́вшее, милосе́рдия испусти́ лучи́ тре́бующим,/ отгоня́щия те́мный о́блак нищеты́, всебога́те,/ гре́ющия же мра́зом лю́тых держи́мыя, Богодухнове́нне.
И ны́не и при́сно и во ве́ки веко́в. Ами́нь.
Богородичен: Не преста́й о нас моля́щися, Пресвята́я Богоро́дице Де́во,/ я́ко ве́рных утвержде́ние Ты еси́,/ и наде́ждею Твое́ю крепи́мся/ и любо́вию Тя и из Тебе́ Вопло́щшагося непреста́нно сла́вим.
Кондак, глас 2
Бога́тство твое́ расточи́л еси́ убо́гим/ и Небе́сное бога́тство ны́не восприя́л еси́,/ Иоа́нне всему́дре,/ сего́ ра́ди вси тя почита́ем,/ соверша́юще па́мять твою́,/ ми́лостыни о тезоимени́те!
Икос
На ми́лость упова́в Бо́жию, Иоа́нне,/ щедро́тами от Того́ и дарми́ обогати́вся,/ отону́дуже яви́лся еси́ и ми́лостив, я́ко Он, вся ущедря́я./ Те́мже, мою́ нищету́ уще́дрив,/ пода́ждь мне бога́тство твоея́ моли́твы/ и а́лчущее се́рдце мое́/ испо́лни глаго́л Боже́ственных, Богому́дре,/ я́коже пре́жде а́лчущия пита́л еси́,/ ми́лосты́ни о тезоимени́те!
Песнь 7
Ирмос: О́троцы евре́йстии в пещи́/ попра́ша пла́мень дерзнове́нно/ и на ро́су огнь преложи́ша, вопию́ще:/ благослове́н еси́, Го́споди Бо́же, во ве́ки.
Припев: Святи́телю о́тче Иоа́нне, моли́ Бо́га о на́с.
Де́лы словеса́ Спа́сова извести́л еси́/ и ублажа́емых сочта́лся еси́ ли́ку,/ ми́лостив быв и чист ду́хом, Иоа́нне Богоно́се.
Припев: Святи́телю о́тче Иоа́нне, моли́ Бо́га о на́с.
Ме́да вкус сладча́йший преложи́ся во искуше́но зла́то тебе́:/ бога́тному бо твоему́ внима́я произволе́нию,/ Творе́ц бога́тная тебе́ даде́ воздая́ния.
Сла́ва Отцу́ и Сы́ну и Свято́му Ду́ху.
Све́том Тро́ицы невече́рним просвеща́емь, уго́дниче Тро́ицы,/ чту́щия тя ны́не просвеща́еши и пою́щия:/ благослове́н еси́, Го́споди Бо́же, во ве́ки.
И ны́не и при́сно и во ве́ки веко́в. Ами́нь.
Богородичен: Тя, ра́дость апо́столов,/ страстоте́рпцев же сла́ву, Богоро́дице, мо́лим ве́рно:/ ра́дости ве́чныя сподо́би ны,/ пою́щия Тя непреста́нно.
Песнь 8
Ирмос: Победи́тели мучи́теля и пла́мене,/ благода́тию Твое́ю бы́вше,/ за́поведем Твои́м зело́ прилежа́ще,/ о́троцы вопия́ху:/ благослови́те вся дела́ Госпо́дня Го́спода.
Припев: Святи́телю о́тче Иоа́нне, моли́ Бо́га о на́с.
Светоза́рную звезду́ Христо́с на высоте́ тя церко́вней яви́в, о́тче,/ чрез тебе́ пою́щия ве́рою просвеща́ет:/ благослови́те вся дела́ Госпо́дня и превозноси́те Его́ во ве́ки.
Припев: Святи́телю о́тче Иоа́нне, моли́ Бо́га о на́с.
Ми́лостив яви́лся еси́, кро́ток,/ благосострада́тельнейш, незло́бив, о́тче,/ бога́тство ни́щих, у́тварь и одея́ние наги́х, поя́ ве́рно:/ благослови́те вся дела́ Го́спода и превозноси́те Его́ во ве́ки.
Сла́ва Отцу́ и Сы́ну и Свято́му Ду́ху.
Ма́рков престо́л свяще́нно украси́л еси́ де́лы Боже́ственными изря́дно, о́тче,/ ми́лостынею же и милосе́рдием па́че всех наре́клся еси́ ми́лостив,/ милосе́рдием возсия́вших святы́х.
И ны́не и при́сно и во ве́ки веко́в. Ами́нь.
Богородичен: Ада́ма, Де́во, па́дшаго у́бо, яви́лася еси́ Дщи,/ Бо́га же Ма́ти, обно́вльшаго мое́ существо́./ Его́же пои́м вся дела́ Го́спода и превозно́сим во вся ве́ки.
Песнь 9
Ирмос: Вои́стинну Богоро́дицу Тя испове́дуем,/ спасе́ннии Тобо́ю, Де́во Чи́стая,/ с Безпло́тными ли́ки Тя велича́юще.
Припев: Святи́телю о́тче Иоа́нне, моли́ Бо́га о на́с.
Се тя по сконча́нии сре́дняго прие́млет дво́ица святы́х отце́в,/ в гро́бе свяще́ннейшую честь тебе́, о́тче, даю́щи.
Припев: Святи́телю о́тче Иоа́нне, моли́ Бо́га о на́с.
Я́ко у́тро, я́ко день, о́тче Иоа́нне,/ светоза́рное твое́ возсия́ успе́ние,/ просвеща́ющее ве́рою тя блажа́щия.
Припев: Святи́телю о́тче Иоа́нне, моли́ Бо́га о на́с.
Совокупи́лся еси́ лико́м архиере́ев, проро́ков, апо́столов и му́чеников:/ с ни́миже помина́й, о́тче, восхваля́ющия тя.
Сла́ва Отцу́ и Сы́ну и Свято́му Ду́ху.
Ра́ка, иде́же лежа́т, о́тче Иоа́нне,/ свяще́нныя твоя́ и святы́я мо́щи,/ исто́чник чуде́с суть к тебе́ приходя́щим.
И ны́не и при́сно и во ве́ки веко́в. Ами́нь.
Богородичен: Благоле́пная Де́во,/ озло́бленную ду́шу мою́ грехо́м ублагости́,/ блага́го ро́ждшая Бо́га и Го́спода.
Светилен
Ми́лость подража́я Бо́га Любоще́драго,/ тре́бующим бога́тство расточи́л еси́, Иоа́нне:/ тем и бога́тство прия́л еси́ на Небесе́х неистощи́мое./ Того́ ра́ди ны́не мо́лимся:/ моли́ся непреста́нно о хва́лящих тя.
Следующая публикация
Комментарии 1