Предыдущая публикация
Лебедзеў Уладзімір
Дарогу тую не абыдзеш,
Якую абазначыў лёс,
На ёй і смех,і горыч слёз,
Дарогу тую не абыдзеш.
Абходных сцежак многа ёсць,
Ды на бальшак па іх не выйдзеш.
Дарогу тую не абыдзеш,
Якую абазначыў лёс.
------------------------------------------------------
Калі наступіць дзіўны час
Без дзікіх войнаў і пажараў
На планетарным скрозь абшары?
Калі наступіць дзіўны час?
Так хочацца пра гэта марыць,
Як продкі марылі да нас.
Калі наступіць дзіўны час
Без дзікіх войнаў і пажараў?
---------------------------------------------------------------
Шчаслівы той, каго чакаюць,
І той, хто помніць пра дарогу
Да роднага свайго парога.
Шчаслівы той, каго чакаюць.
І не бывае шляху многа
Для тых, што дом не забываюць.
Шчаслівы той, каго чакаюць,
І той, хто помніць пра дарогу.
--------------------------------------------------------------------
Жыццё пражыць- не поле перайсці,
Даўно ўжо сказана не намі.
Ды хутка спазнаем і самі-
Жыццё пражыць -не поле перайсці.
А толькі шлях, тваім што стане,
Самому трэба ўвесь прайсці.
Жыццё пражыць - не поле перайсці,
Даўно ўжо сказана не намі.
Следующая публикация
Нет комментариев