Я з Пешкамі звязана лёсам,
Бацькоўскі тут край і мае карані,
Куточак мой, любая вёска,
Ты ў сэрцы маім назаўжды.
І часта, калі засумую,
Імкнуся прыехаць сюды.
Тут памяць зноў сэрца хвалюе,
Вяртае юнацтва гады.
Вяртае ізноў так выразна
Імгненні шчаслівых тых дзён,
Калі пачыналі кахаць мы,
І ўсіх акрыляла любоў.
Чароўнасць тых першых спатканняў,
Нясмеласць і вуснаў, і рук.
і ціхія словы прызнання,
І сэрцаў хвалюючы стук.
Было тады й неба вышэйшым,
Ярчэйшым начны зорны шлях.
І лустачка хлеба смачнейшай,
І пах чабаровы ў лугах.
Там песні гучалі да рання,
Там падалі зоркі ў расу.
Загадвалі мы ім жаданні
І кветкі ўпляталі ў касу.
Усё ў далёкім мінулым,
І час так няспынна бяжыць,
А вёсачку, як і матулю,
Я буду заўсёды любіць.
Присоединяйтесь к ОК, чтобы подписаться на группу и комментировать публикации.
Нет комментариев