Sochlariga oq oralagan, yoshi ellikdan oshib oltmishga qarab ketayotgan bu yoshga hayotining qolgan qismini yaxshilik va xayrli ishlarga bag‘ishlab, chiroyli yashashni niyat qilish yarashadi. Lekin aql yoshdamas, boshda deganlari chin haqiqat ekan. Abdullo 2023 yilning 3 mart kuni ilgaridan tanish bo‘lgan Alijon bilan telefon orqali bog‘lanib, falon oshxonada uchrashishga taklif etadi. Uchrashganda bankdan juda katta miqdorda kredit olayotganini, garovga qo‘yish uchun pul kerakligini aytadi. Agar Alijon bir oy muddatga 10.000 AQSH dollarini qarzga berib tursa, bankdan pul olgani hamon krediti hisobidan 2 milliardini unga moliyaviy yordam sifatida berishini aytib ishontiradi. Bergan puli yoniga yana shuncha miqdordagi pul o‘z-o‘zidan, osongina oqib kelishini ko‘z oldiga keltirgan Alijon bu taklifga “yo‘q” deya olmaydi. Uch kun o‘tib ular yana qahvaxonada uchrashishadi va qahvaxonaning alohida bo‘lmasiga o‘tib, pul oldi-berdisini amalga oshiradilar. Abdullo o‘z pasportining nusxasiga 10.000 AQSH dollarini olganligi haqida tilxat yozib beradi. Har ikkisi qayta-qayta qo‘l siqishib, mamnun holda xayrlashishadi. Afsuski, bu xursandchilik ayniqsa Alijon uchun asabbuzarlik, nadomat va qon bosimining ko‘tarilishi bilan qimmatga tushdi. Vaholanki, qarzdor bir necha oylar o‘tsa hamki vaʼda bergan pullarni bermay, ustiga-ustak surbetlarcha “bir tiyinim ham yo‘q, nima qilsang qil!" degani ortiqcha bo‘ldi. Alijon Chilonzor tumani ichki ishlar organlariga murojaat qilishdan boshqa chora topmadi.
– Abdullo ilgari ham firibgarlik jinoyati uchun sudlangan edi. Afsuski, bu unga saboq bo‘lmadi, – deydi Chilonzor tumani IIO FMB huzuridagi Tergov bo‘limi tergovchisi, katta leytenant Shaxzodbek Davirboyev. – Tanishini shuncha pulga tushiradiyu, bu qilmishim javobsiz qoladi, deb o‘ylaganini tushinish qiyin, albatta. Aslida sudxo‘rlik katta gunoh sanaladi. Alijon esa katta pulning ovozini eshitganda har qanday gunoh haqida unutgani afsuslanarli hol. Ushbu jinoyat sodir etilishiga o‘zi ham xissa qo‘shgan desak mubolag‘a bo‘lmaydi.
Jinoyat ishlari bo‘yicha Chilonzor tuman sudi 1967 yilda tug‘ilgan, uch nafar farzandning otasi, muqaddam sudlangan Abdulloning qilmishini ko‘rib chiqib, uni O‘zbekiston Respublikasi Jinoyat kodeksining 168-moddasi 3-qismi “a” bandi (“Firibgarlik”) bilan aybdor deb topdi. Uning pushaymonligi, oilaning yagona boquvchisi ekanligi, jabrlanuvchiga yetkazilgan zararni to‘liq qoplaganligini inobatga olib, ish haqining 15 foizini davlat daromadi hisobiga ushlab qolgan holda 2 yilu 6 oyga axloq tuzatish ishlari jazosiga hukm qildi.
👉 Олган ҳам берган ҳам айбдор
Сочларига оқ оралаган, ёши элликдан ошиб олтмишга қараб кетаётган бу ёшга ҳаётининг қолган қисмини яхшилик ва хайрли ишларга бағишлаб, чиройли яшашни ният қилиш ярашади. Лекин ақл ёшдамас, бошда деганлари чин ҳақиқат экан. Абдулло 2023 йилнинг 3 март куни илгаридан таниш бўлган Алижон билан телефон орқали боғланиб, фалон ошхонада учрашишга таклиф этади. Учрашганда банкдан жуда катта миқдорда кредит олаётганини, гаровга қўйиш учун пул кераклигини айтади. Агар Алижон бир ой муддатга 10.000 АҚШ долларини қарзга бериб турса, банкдан пул олгани ҳамон кредити ҳисобидан 2 миллиардини унга молиявий ёрдам сифатида беришини айтиб ишонтиради. Берган пули ёнига яна шунча миқдордаги пул ўз-ўзидан, осонгина оқиб келишини кўз олдига келтирган Алижон бу таклифга “йўқ” дея олмайди. Уч кун ўтиб улар яна қаҳвахонада учрашишади ва қаҳвахонанинг алоҳида бўлмасига ўтиб, пул олди-бердисини амалга оширадилар. Абдулло ўз паспортининг нусхасига 10.000 АҚШ долларини олганлиги ҳақида тилхат ёзиб беради. Ҳар иккиси қайта-қайта қўл сиқишиб, мамнун ҳолда хайрлашишади. Афсуски, бу хурсандчилик айниқса Алижон учун асаббузарлик, надомат ва қон босимининг кўтарилиши билан қимматга тушди. Ваҳоланки, қарздор бир неча ойлар ўтса ҳамки ваъда берган пулларни бермай, устига-устак сурбетларча “бир тийиним ҳам йўқ, нима қилсанг қил!" дегани ортиқча бўлди. Алижон Чилонзор тумани ички ишлар органларига мурожаат қилишдан бошқа чора топмади.
– Абдулло илгари ҳам фирибгарлик жинояти учун судланган эди. Афсуски, бу унга сабоқ бўлмади, – дейди Чилонзор тумани ИИО ФМБ ҳузуридаги Тергов бўлими терговчиси, катта лейтенант Шахзодбек Давирбоев. – Танишини шунча пулга туширадию, бу қилмишим жавобсиз қолади, деб ўйлаганини тушиниш қийин, албатта. Аслида судхўрлик катта гуноҳ саналади. Алижон эса катта пулнинг овозини эшитганда ҳар қандай гуноҳ ҳақида унутгани афсусланарли ҳол. Ушбу жиноят содир этилишига ўзи ҳам хисса қўшган десак муболаға бўлмайди.
Жиноят ишлари бўйича Чилонзор туман суди 1967 йилда туғилган, уч нафар фарзанднинг отаси, муқаддам судланган Абдуллонинг қилмишини кўриб чиқиб, уни Ўзбекистон Республикаси Жиноят кодексининг 168-моддаси 3-қисми “а” банди (“Фирибгарлик”) билан айбдор деб топди. Унинг пушаймонлиги, оиланинг ягона боқувчиси эканлиги, жабрланувчига етказилган зарарни тўлиқ қоплаганлигини инобатга олиб, иш ҳақининг 15 фоизини давлат даромади ҳисобига ушлаб қолган ҳолда 2 йилу 6 ойга ахлоқ тузатиш ишлари жазосига ҳукм қилди.
Присоединяйтесь к ОК, чтобы подписаться на группу и комментировать публикации.
Нет комментариев