Jahonda bo‘lgani kabi, yurtimizda ham axborot kommunikatsiya texnologiyalari rivojlangan sari uning afzalligi va qulayliklaridan foydalanish bilan bir qatorda axborot xavfsizligini taʼminlash masalalari dolzarb bo‘lib qolmoqda. Kiberxavfsizlik bu – tasodifiy va atayin qilingan yoki uyushtirilgan axborot hujumlaridan himoyalanish demakdir. Telekommunikatsiya tarmoqlari orqali beparvolik tufayli yoki qasddan amalga oshirilayotgan tahdidlarga qarshi turish, ularga nisbatan chora ko‘rish va kutilmagan taʼsirlardan himoyalanish borasida poytaxt IIBB tomonidan iyul oyi “Kiber madaniyatni yuksaltirish oyligi”, deb eʼlon qilingan edi. Mazkur oylikda 7 yoshdan 70 yoshgacha bo‘lgan aholini qamragan holda kompleks tadbirlar o‘tkazilishi rejalashtirilgan.
Shayxontohur tumani IIO FMB xodimlari oyning ilk kunlaridanoq tadbirlarni boshlab yuborishdi. Xodimlar tumanda joylashgan “Hamkorbank” xodimlari va mijozlari bilan uchrashib, kiberhujumlardan bank-moliya sohasidagi firibgarliklarning oldini olish, bazaviy maʼlumotlarning maxfiyligini taʼminlash, mijozlarning esa o‘z shaxsiy maʼlumotlarini, plastik karta kodlarini sir saqlanishini taʼminlash haqida zaruriy yo‘l-yo‘riqlar olishdi.
Xuddi shunday tadbir tumanda joylashgan 41-oilaviy poliklinikasida, Obodonlashtirish boshqarmasi ishchilari hamda vaqtinchalik bir martalik ish bilan taʼminlash markazidagi ishchilar o‘rtasida ham o‘tkazildi. Ishtirokchilar kiberxavfsizlik masalalariga doir savollariga aniq va batafsil javoblar oldilar. Tadbirlar tumandagi barcha korxona va tashkilotlar, mahallalarda ham davom ettiriladi.
👉 Киберхавфсизлиги ойлиги бошланди
Жаҳонда бўлгани каби, юртимизда ҳам ахборот коммуникация технологиялари ривожланган сари унинг афзаллиги ва қулайликларидан фойдаланиш билан бир қаторда ахборот хавфсизлигини таъминлаш масалалари долзарб бўлиб қолмоқда. Киберхавфсизлик бу – тасодифий ва атайин қилинган ёки уюштирилган ахборот ҳужумларидан ҳимояланиш демакдир. Телекоммуникация тармоқлари орқали бепарволик туфайли ёки қасддан амалга оширилаётган таҳдидларга қарши туриш, уларга нисбатан чора кўриш ва кутилмаган таъсирлардан ҳимояланиш борасида пойтахт ИИББ томонидан июль ойи “Кибер маданиятни юксалтириш ойлиги”, деб эълон қилинган эди. Мазкур ойликда 7 ёшдан 70 ёшгача бўлган аҳолини қамраган ҳолда комплекс тадбирлар ўтказилиши режалаштирилган.
Шайхонтоҳур тумани ИИО ФМБ ходимлари ойнинг илк кунлариданоқ тадбирларни бошлаб юборишди. Ходимлар туманда жойлашган “Ҳамкорбанк” ходимлари ва мижозлари билан учрашиб, киберҳужумлардан банк-молия соҳасидаги фирибгарликларнинг олдини олиш, базавий маълумотларнинг махфийлигини таъминлаш, мижозларнинг эса ўз шахсий маълумотларини, пластик карта кодларини сир сақланишини таъминлаш ҳақида зарурий йўл-йўриқлар олишди.
Худди шундай тадбир туманда жойлашган 41-оилавий поликлиникасида, Ободонлаштириш бошқармаси ишчилари ҳамда вақтинчалик бир марталик иш билан таъминлаш марказидаги ишчилар ўртасида ҳам ўтказилди. Иштирокчилар киберхавфсизлик масалаларига доир саволларига аниқ ва батафсил жавоблар олдилар. Тадбирлар тумандаги барча корхона ва ташкилотлар, маҳаллаларда ҳам давом эттирилади.
https://gov.uz/oz/iiv/news/view/23576 )
...Присоединяйтесь к ОК, чтобы подписаться на группу и комментировать публикации.
Нет комментариев