Аллах айтты: *«Чындыгында, ширк кылуу чоң зулумдук».* (Лукман сурөсү, 13-аят)
Себеби кимде-ким Аллахка шерик кошсо, ааламдардын Раббиси, Жаратуучусу жана Башкаруучусу болгон Аллахка кемчиликтүү сыпатты таандык кылган болот. Аллах таала сыйынууга татыктуу деген Аллахтын акысын башка бир сыйынууга татыктуу болбогон нерсеге ыйгарып койгон болот. Анткени Жаратуучу улуу Аллахка жаратылган маклуктарды теңдештирүү адилетсиздик болот.
Аллах таала айтты: *«Андан кийин өз Раббисине каапыр болгондор (Аллахка башкаларды) теңешет».* (Аньам сүрөсү, 1-аят)
*2️⃣ ЭҢ ЧОҢ КҮНӨӨ*
Пайгамбар, саллаллаху алейхи уа саллам: *«Силерге эң чоң күнөөлөрдү айтайынбы?»* – деп үч жолу сураганда сахабалар: «Ооба, айтыңыз оо, Аллахтын Элчиси!» – деп айтышты. Ошондо Пайгамбар, саллаллаху алейхи уа саллам: *«Аллахка шерик кошуу»* – деп айтты. (Бухари, Муслим)
Ошондой эле башка бир хадисте Пайгамбар, саллаллаху алейхи уа саллам: «Аллахтын алдында чоң күнөө эмне?» – деп суралганда ал айтты: *«Ал (Аллах) сени жаратса да сенин Аллахка шерик кошууң».* (Бухари, Муслим)
*3️⃣ ЖАРАТЫЛГАН ФИТРАТЫНА КАРШЫ ЧЫГЫП АДАШУУ*
Аллах таала айтты: *«Ким Аллахка шерик кошсо, анда ал асмандан түшүп аны куш чеңгелдеп алып кеткен же болбосо шамал алыс жерге учуруп кеткен нерсе сыяктуу (Аллахтан алыстап кетет)».* (Хаж сүүрөсү, 31- аят)
*4️⃣ АЛЛАХКА ШЕРИК КОШУУ КЕЧИРИЛГИС КҮНӨӨ*
Аллах айтты: *«Чындыгында, Аллах өзүнө шерик кошкондорду кечирбейт. Андан башка күнөөлөрдү кимди кааласа кечирет. Кимде-ким Аллахка шерик кошсо, анда ал чоң күнөөнү ойлоп тапканы».* (Ниса сүрөсү, 48-аят)
*5️⃣ АЛЛАХКА ШЕРИК КОШКОН АДАМ ТҮБӨЛҮК ТОЗОКО ТҮШӨТ*
Аллах айтты: *«Чындыгында, ким Аллахка шерик кошсо, анда Аллах ага бейишти арам кылды. Анын жайы тозокто. Заалымдардын (Аллахка шерик кошкондордун тозоктон куткаруучу) жардамчылары жок».* (Маида сүрөсү, 72-аят)
*6️⃣ АЛЛАХКА ШЕРИК КОШСО БАРДЫК АМАЛДАРЫ ӨЧҮРҮЛӨТ*
Аллах таала Пайгамбар, саллаллаху алейхи уа салламга, айтты: *«Албетте сага да сенден мурдагыларга да: "Эгер Аллахка шерик кошсоңор кылган амалыңар сөзсүз өчүп кетет жана чыныгы зыянга учуроочулардан болосуңар" - деп вахий кылынган».* (Зумар сүрөсү, 65-аят)
Присоединяйтесь к ОК, чтобы подписаться на группу и комментировать публикации.
Нет комментариев